Баянхошуунд байрлах “Миний” дэлгүүрийн агуулахад гарсан галыг унтраасан гэж НОБГ-аас мэдээллээ. 

НОБГ-ын тэргүүн дэд дарга, хурандаа Д.Мөнхсайхан:

-Өнөөдөр 10:29 цагт ЧД-ийн 7-р хороонд байрлах Миний дэлгүүр шатаж байна гэсэн дуудлага ирсэн. Галыг унтраахаар зургаан ангийн 26 автомашин 90 хүнтэйгээр ажиллаж байна.

Тус барилга нь нийтдээ гурван давхар барилга бөгөөд лангуу, хүүхдийн тоглоомын талбай, дэлгүүр гэсэн үйлчилгээний төв байжээ. Тус барилгад дөрвөн аж ахуй нэгж үйл ажиллагаа явуулдаг гэсэн мэдээлэл байна.

Анх дуудлага ирэхэд гал бүхэлдээ тархсан байсан. Давхар бүрд шатах материал ихтэй, галын ачаалал өндөр, одоо ч хүн орох боломжгүй нөхцөл байдалтай байна. Онцгой байдлын хоёр албан хаагч хөнгөн бэртэл авч эмнэлгийн анхан шатны тусламж авсан. Угаартсан иргэн байгаагүй. Гурван давхар барилга бүхэлдээ галд өртсөн. Галын голомтыг одоо ч олоогүй байна гэв.

---