АНУ-ын Ерөнхийлөгч Жо Байден, Ерөнхийлөгч асан Дональд Трамп нар дөрвөн муж болон Америкийн гадаадад амьдарч буй иргэдийн дунд явагдсан анхан шатны сонгуулийн үр дүнд ирэх 11 дүгээр сард болох сонгуульд албан ёсоор нэр дэвшихээр боллоо.

Өдгөө 81 настай ерөнхийлөгч Байден хэлэхдээ, энэ их Трампын заналхийллийн үед түүнийг дахин сонгогдох саналыг дэмжсэн сонгогчдодоо талархаж байгаагаа илэрхийлжээ. Тэрбээр, эдийн засгийн эерэг үзүүлэлтүүдийг онцолж АНУ-ыг эргэн сэргэж байгаа хэмээсэн боловч үр хөндөлтийг хязгаарлах, нийгмийн хөтөлбөрүүдийг танах зэрэгт санаа зовниж байгаагаа илэрхийлжээ. Гэвч, түүний нас ерөнхийлөгчийн үүргээ биелүүлэхэд бэрхшээлтэй хэмээгдэж байсан ч Байден Ардчилсан нам доторх томоохон өрсөлдөгчидтэй тулгараагүйгээр ялсан аж.

Нөгөөтэйгүүр, 77 настай ноён Трамп Бүгд найрамдах намын сонгогчдын дунд маш их алдартай хэвээр байгаа нь түүнийг анхан шатны сонгуульд сайн санхүүжүүлсэн өрсөлдөгчдөө ялахад хүргэсэн юм. Түүний хоёр дахь удаагаа сонгогдох кампанит ажил нь, цагаачлалын хуулийг чангатгах, гэмт хэргийн гаралтыг бууруулах, дотоодын эрчим хүчний үйлдвэрлэлийг нэмэгдүүлэх, гадаадын импортод татвар ногдуулах, Украины дайныг зогсоож, дэлхийн үйл хэрэгт "Нэгдүгээрт Америк" гэсэн бодлогыг сэргээхээ амласан юм.

АНУ-ын ерөнхийлөгчийн сонгуулийн анхан шатны сонгууль нь намын төлөөлөгчдийг цуглуулж, муж бүрээр нь нам тус бүрд нэр дэвшигчдийг тодорхойлох зарчмаар өрсөлдөөн болдог аж. Байден, Трамп нар энэхүү жишигт нийцүүлэн урагшлахын хэрээр 11 дүгээр сард болох сонгуулийн өмнөх кампанит ажилд одоогоор анхаарал хандуулж байна.

Эх сурвалж: BBC 

---