Ерөнхий сайд Л.Оюун-Эрдэнэ Баянзүрх дүүрэгт ажиллаж байна.

Тэрээр тус дүүрэгт хэрэгжиж буй төсөл арга хэмжээний хэрэгжилт, үр дүнтэй танилцахын зэрэгцээ анхан шатны нэгжид ажиллаж буй төрийн албан хаагчидтай уулзаж санал хүсэлтийг нь сонсох юм. 

Энэ хүрээнд Ерөнхий сайд тус дүүргийн Дарь-Эх нэгдсэн эмнэлгийн үйл ажиллагаатай танилцжээ.

Тус эмнэлгийг 2019 онд улсын төсвийн хөрөнгө оруулалтаар барьж, 2021 оны арваннэгдүгээр сард ашиглалтад оруулсан, Баянзүрх дүүргийн зургаан хорооны 48,873 хүнд эрүүл мэндийн тусламж үйлчилгээ үзүүлж байна.

---