УИХ-ын гишүүн О.Цогтгэрэл, Ж.Батсуурь, Ц.Туваан тэргүүтэй төлөөллүүд “Амь нэгтэй монголчууд” аяныг улс орон даяар зохион байгуулах болсонтой холбоотой мэдээлэл хийв.

УИХ-ын гишүүн Ж.Батсуурь:

-2023 оны 11 дүгээр сарын 4-ний өдөр Монгол Улсын бүх нутаг дэвсгэрт маш их хэмжээний цас орсон. Хаврын чуулган завсарлах хүртэл УИХ, Засгийн газарт хээрийн штаб байгуулах, цэргийн ангийн машинуудыг сум бүрд байрлуулах, малыг тарган байгаа дээр нядалж, бойлж авах гэх мэт маш их саналуудыг хэлсэн. Ниргэсэн хойно нь хашгирав гэгчээр ихэнх мал нь хорогдоод дуусаж байхад улс төрийн шинжтэй арга хэмжээ авч, хэдэн сайд нар нь хивэг ачаад тойрог руугаа явж матрын нулимс унагаж байна.

Ард иргэдийн хэлж байгаагаар түүхэнд байгаагүй зуд болж байхад мэдээгээр улсын хэмжээнд 600 мянган мал хорогдсон гэж худал хэлж байна. Гэтэл нэг аймагт сая нэг бүсэд 2 сая гаруй мал хорогдсон байна.

УИХ, Засгийн газар малчдын эсрэг хориг арга хэмжээ авч ирсэн. Малын махны үнийг өсгөхгүй гээд барьдаг. Махны үнэ өсгөе. Хилийн цаана 36 мянга байдаг шүү гээд хэлсэн гишүүдийг барьж иддэг. Жишээ нь намайг яаж матарлалаа.

УИХ дахь АН-ын бүлгээс Малчдын зээлийг тэглэх тогтоолын төсөл боловсруулж УИХ-д өргөн барина. 

---