Боловсрол, шинжлэх ухааны сайд Л.Энх-Амгалангаар ахлуулсан ажлын хэсэг хангайн бүсийн аймгуудын өвөлжилт хүндэрч буй сумд, малчдад дэмжлэг үзүүлэхээр өнөөдөр Булган аймгийн Баяннуур, Дашинчилэн суманд ажиллаж байна.

Дашинчилэн сумын хувьд өнгөрсөн оны 11 дүгээр сараас хойш 12 удаагийн хур тунадас орсон байна. Нийт нутгаар 30-40 см-ийн зузаан цасан бүрхүүл тогтжээ.

Одоогоор сумын 40 гаруй айл өрхийг нүүлгэн шилжүүлээд байна. Өнгөрсөн оны 11 сараас хойш 78 сая төгрөгийн өвс тэжээл, шатахуун зарцуулж, нийт 6000 тонн өвс, тэжээл малчин өрхүүд нөөцөлсөн ч дуусчээ.

---