Монголын олон улсын ба үндэсний спортын арбитрын дэргэдэх допингийн давж заалдах комиссын хуралдаанаар Улсын харцага Ц.Мөнхбаяр, аймгийн арслан Б.Өсөхбаяр нарт шийтгэлийг оногдуулахдаа допингийн эсрэг дүрэм зөрчсөн гэж дүгнэжээ. 

Тодруулбал, Улсын харцага Ц.Мөнхбаяр, аймгийн арслан Б.Өсөхбаяр нарт нь МҮБХ-ны Тэргүүлэгчдийн 2023 оны 6-р сарын 27-ны өдрийн 69 дугаартай шийдвэрийг гаргахдаа Допингийн эсрэг дүрэм, Үр дүнгийн удирдлагын олон улсын стандартыг зөрчсөн болохыг тогтоож, өөрт холбогдох хэсгийг хүчингүй болгуулах барилдах эрхийг сэргээхийг Монголын Үндэсний бөхийн холбоо НҮТББ-д даалгах шаардлага бүхий өргөдлийг 2023 оны 07-р сарын 05-ны өдөр гаргасан.

Монголын олон улсын ба үндэсний спортын арбитрын дэргэдэх допингийн давж заалдах комиссын хуралдаан болж 2023 оны 11-р сарын 23-ны өдрийн 23/120 дугаар шийдвэрээр Улсын харцага Ц.Мөнхбаяр, аймгийн арслан Б.Өсөхбаяр нарт шийтгэлийг оногдуулахдаа допингийн эсрэг дүрэм, олон улсын стандартуудыг зөрчсөн болохыг тогтоосон.Харин бөхчүүдийн барилдах эрхийг сэргээх хэсгийг хангаагүй шийдвэрлэсэн.

Давж заалдах комисс нь допинг хэрэглэсэн эсэхэд огт үнэлэлт дүгнэлт гаргаагүй бөгөөд МҮБХ ТББ нь допингийн эсрэг дүрмийн зөрчил гаргасан эсэхэд дүгнэлт гаргасан болно гэж мэдэгджээ. 

---