“Эрдэнэт”-ийн 49 хувьтай холбоотой хэргийн шүүхийн урьдчилсан хэлэлцүүлэг эхлэв.

“Дарханы төмөрлөгийн үйлдвэр” ХХК, Хөтөл “Цемент шохой” ХК, “Эрдэнэт үйлдвэр” ТӨҮГ-т их хэмжээний хохирол учруулсан хэргээр Аж үйлдвэрийн сайд асан Д.Эрдэнэбат, Сангийн сайд асан Б.Болор, Төрийн өмчийн хорооны даргаар ажиллаж байсан Д.Сугар, Ц.Нанзаддорж, ХХБ-ны Гүйцэтгэх захирал О.Орхон, “Монголын зэс корпорац”-ийн Гүйцэтгэх захирал Ц.Пүрэвтүвшин нарын 20 хүн, хоёр хуулийн этгээдэд холбогдох хэргийг өнөөдөр шүүнэ.

Шүүх хурлын урьдчилсан хэлэлцүүлэг Сүхбаатар, Чингэлтэй, Баянзүрх дүүргийн Эрүүгийн хэргийн анхан шатны шүүхэд эхэлсэн ч яллагдагч нарын өмгөөлөгчид хэргийн материалтай танилцах хүсэлт гаргаж, шүүх хурлыг хойшлуулах хүсэлт гаргалаа. 

Ингээд шүүх бүрэлдэхүүн тус саналыг хэлэлцэхээр түр завсарлав.

---