Нийслэлийн Ардчилсан намын хороо өнөөдөр хуралдаж, даргаа шинээр сонголоо. Нийслэлийн АН-ын даргыг тодруулах сунгаанд Нийслэлийн иргэдийн хурлын төлөөлөгчөөр ажиллаж буй Д.Бадарсан, Т.Батцогт, М.Тулгат нар нэр дэвшин өрсөлдсөн юм.

НИТХ-ын төлөөлөгч Т.Батцогт 56.1 хувийн санал авч, Нийслэлийн АН-ын даргаар сонгогдлоо.

Түүнийг МоАХ болон Монгол Улсын Ерөнхийлөгч асан Х.Баттулга дэмжиж оролцсон байна. Нийслэлийн АН-ын даргын сунгаан хүчтэй өрнөж, ийнхүү “Женко” Х.Баттулгын дэмжсэн Т.Батцогт ялалт байгуулжээ.

Ирэх 2024 оны НИТХ-ын сонгуульд тэрээр нийслэлийн намын хороогоо удирдаж орохоор болж байна.

Т.Батцогт нь 2012-2020 онд Баянзүрх дүүргийн Засаг даргын орлогч, 2016 оноос хойш НИТХ-ын төлөөлөгчөөр ажиллаж буй юм.

Түмэндэлгэрийн БАТЦОГТ

Төрсөн огноо, төрсөн газар: 1985.03.06, Дархан хот

Боловсрол:

• 1993-2003 онд Дархан хотын “Оюуны ирээдүй” цогцолбор,

• 2003-2008 онд ШУТИС-ийн Уул Уурхайн Инженерийн Сургууль,

• 2009-2010 онд Санхүү Эдийн Засгийн Дээд Сургуулийг Бизнесийн удирдлагын магистр,

• 2019 оноос Санхүү Эдийн Засгийн Дээд сургуулийн докторант

Ажлын туршлага:

• 2007-2008 онд Нийслэлийн Чөлөөт Ардчилсан Оюутны холбооны Тэргүүн,

• 2008-2010 онд Ардчилсан Залуучуудын Холбоонд Улс төрийн ажилтан,

• 2010-2012 онд “И Эм Си Эйч Инженеринг” ХХК-ийн гүйцэтгэх захирал,

• 2012-2020 онд Баянзүрх дүүргийн Засаг даргын орлогч,

Сонгуульт ажил:

• 2016 оноос Ардчилсан намын Үндэсний Бодлогын хорооны гишүүн,

• 2011-2018 онд Баянзүрх дүүргийн Ардчилсан намын дэд дарга,

• 2012-2016 онд Баянзүрх дүүргийн Иргэдийн Төлөөлөгчдийн хурлын Төлөөлөгч, Тэргүүлэгч,

• 2017-2019 онд Нийслэлийн АН-ын дэд дарга,

• 2018-2023 онд БЗД-ийн АН-ын даргын үүрэг гүйцэтгэгч,

• 2016 оноос НИТХ-ын Төлөөлөгч,

• 2020 оноос Баянзүрх дүүргийн Иргэдийн Төлөөлөгчдийн хурлын Төлөөлөгч,

 

---