Зэвсэгт хүчний 326 дугаар ангид 2021 онд амиа алдсан цэргийн хэрэгт Г гэгчийг буруутгаж, 14 жилийн хорих ял оноожээ.

Зэвсэгт хүчний 326 дугаар ангид 2021 оны гуравдугаар сарын 28-ны өдөр 22 цаг 35 минутад хугацаат цэргийн алба хаагч нас барсан хэрэг гарсан. Тэгвэл тус хэрэгт Г гэгчийг холбогдуулан шалгаж, улмаар Хан-Уул дүүргийн Эрүүгийн хэргийн анхан шатны шүүхээс түүнд 14 жилийн хорих ял оногдуулж шийтгэсэн байна. Тухайн этгээд нь өдгөө хорих ялаа эдэлж байгаа гэж ЦЕГ-ын Мөрдөн байцаах албаны дарга, цагдаагийн хурандаа Н.Мишигдорж хэлэв. 

"2023 он гарснаас хойш нийт зургаан цэргийн алба хаагч нас барсан. Энэ хэргүүд бүгд мөрдөн шалгах ажиллагааны шатанд яваа. 2022 онд мөн зургаан тохиолдол гарсан гэдэг албан бус мэдээлэл бий. Тоо бол зөрүүтэй явж байна. Хэвлэлийн төвөөр дамжуулан мэдээлэл өгнө" гэж нэмж мэдэгдсэн юм.

---