ШШГЕГ-ын харьяа Сэлэнгэ аймаг дахь 413 дугаар хорих ангид ял эдлэж буй Д.Мөнх-Эрдэнийг ШШГЕГ-ын Тусгай ажиллагааны төвийн албан хаагчид /SWAT/ зодож дарамталсан гэдэг мэдээлэл бий.

Иймд Д.Мөнх-Эрдэнийг УИХ-ын гишүүн Д.Ганбат, УИХ-ын гишүүн асан Г.Баярсайхан тэргүүтэй АН-ын гишүүд хорих ангид нь эргэхээр очсон ч уулзуулаагүй байна. Учир нь хорих ангийн зүгээс "Д.Мөнх-Эрдэнийг цахим уулзалт зохион байгуулах журмыг удаа дараа зөрчсөн" гэх үндэслэлээр 30 хоног уулзах эрхийг нь хассан шийтгэл ногдуулсан хэмээн АН-ын гишүүдэд тайлбарлажээ. Зөвхөн УИХ-ын гишүүн гэдгээр нь үндэслэн УИХ-ын гишүүн Д.Ганбатыг Д.Мөнх-Эрдэнэ болон хорих ангийн даргатай уулзуулжээ.

Шүүхээс түүнийг Монгол Улсын Эрүүгийн хуулийн тусгай ангийн 22.1 дүгээр зүйлийн 2 дах хэсэгт заасан нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан хэмээн буруутгаж, 1 жил 10 сар хорих ял оноосон билээ. 

---