Төр, нийгмийн нэрт зүтгэлтэн Санжаасүрэнгийн Зориг бусдын гарт амиа алдсанаас хойш яг 25 жилийн хугацаа өнгөрчээ. Энэ өдөр талийгаачийн ар гэр болон нийгэм, улс төрийн зүтгэлтнүүд хөшөөнд нь хүндэтгэл үзүүлдэг уламжлал тогтсон.

С.Зориг агсны ах С.Баяр болон Зориг сангийнхан өнөөдөр талийгаачийн гэрэлт хөшөөнд хүндэтгэл үзүүлж, цэцэг өргөлөө. Мөн Ардчилсан нам, ШИНЭН зэрэг улс төрийн хүчний төлөөлөл С.Зориг агсны хөшөөнд хүндэтгэл үзүүлж, цэцэг өргөсөн юм.

Талийгаач бусдын гарт амиа алдсанаас хойш 25 жил өнгөрсөн ч гэм буруутай этгээдийг олж тогтоогоогүй байгаа юм.

С.Зоригийг хөнөөсөн хэргийг ЦЕГ-ын Мөрдөн байцаах алба, Тагнуулийн ерөнхий газрын Мөрдөн шалгах газрын хамтарсан ажлын хэсэг шалгаж байна. 

---