Паратаеквондогийн үндэсний шигшээ багийн тамирчин У.Сүрэнжав ДАШТ-нд анх удаа оролцож, хүрэл медаль хүртэж эх орондоо /2023.09.28/ ирлээ.

Мексик улсын Веракруз хотноо зохион байгуулагдсан "Veracruz 2023 World Para Taekwondo Grand Prix" тэмцээнд манай улсын шигшээ багийн тамирчин У.Сүрэнжав анх удаа оролцож, мөнгөн медаль хүртсэн. Улмаар Паратаеквондогийн ДАШТ-нээс хүрэл медаль хүртэж, эх орондоо ирлээ.

Түүний хувьд Завхан аймгийн Тосонцэнгэл сумын харьяат тамирчин бөгөөд таван жил таеквондогийн спортоор хичээллэж байгаа юм. Анхны ДАШТ-нээсээ медаль хүртэж, эх орныхоо нэрийг гаргаж чадсан түүний дараагийн зорилго Олимпын аварга болох юм.

---