™ watch
™ watch
Үндэсний их баяр наадмыг зохион байгуулах хорооны хурал өнөөдөр болов. Тус хурлаар Үндэсний их баяр наадмын үндэсний бөхийн барилдаанд түрүүлсэн бөхөөс допингийн төрлийн бодис илэрсэн асуудлыг шийдвэрлэжээ.
Тодруулбал Монгол Улсын арслан М.Бадарчийн шинжилгээнээс Дэлхийн допингийн эсрэг агентлагаас гаргасан хориглосон жагсаалтад орсон бодис илэрсэн тул уг барилдааны бүх давааг хүчингүйд тооцож, Улсын арслан цолыг хураах саналыг Монгол Улсын Ерөнхийлөгчид уламжлахаар тус хурлаас шийдвэрлэсэн байна.
М.Бадарчийн Үндэсний их баяр наадмаар барилдах эрхийг 2027 оны долдугаар сарын 12-ныг дуустал дөрвөн жилийн хугацаагаар хаслаа.
-Аймгийн хурц арслан Бүрнээгийн Баянмөнхийг тав давсанд тооцож улсын начин,
-Өсөх идэр начин Эрдэнэбатын Дашийг зургаа давсанд тооцож улсын харцага,
-Улсын харцага Сүхбаатарын Сүхбатыг долоо давсанд тооцож улсын заан,
-Улсын гарди Цэрэнсодномын Бямба-Отгоныг ес давсанд тооцож улсын арслан цол олгох саналыг Монгол Улсын -Ерөнхийлөгчид уламжлахаар тогтсон байна. Улсын аварга Оргихын Хангайд “үлэмж бадрах” чимэг олгохоор болсон аж.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Өөрөөр яах ч билээ, зөв шийдвэр, бүгдэд баяр хүргье!! Харин бөхчүүд та бүхэн дахин ийм хогийн юм хийж насан турш нэрээ бузарлаж төрийн их баяр цэнгэлээ бүү гутаагаарай!!!
Ямар учиртай ямар зорилготой үндэсний их баяр наадмыг үймлээд бдаг юм бэ ард түмэнг баярлах баяр наадамгүй болгож зориуд өдөөн хатгалгаатай турхиж но наадам гэх мэт асуудал зөндөө бна шүү