Үндэсний баяр наадмыг зохион байгуулах хороо М.Бадарчийн цолыг хурааж, барилдах эрхийг дөрвөн жилээр хасах саналыг Ерөнхийлөгчид уламжлахаар болжээ.

Үндэсний их баяр наадмын Бөхийн салбар хороо өчигдөр /2023.09.26/ хуралдаж, "Улсын арслан М.Бадарчийн барилдах эрхийг дөрвөн жилээр хасах" санал гаргаж, Үндэсний баяр наадмыг зохион байгуулах хороонд саналаа хүргүүлээд байсан юм. 

Тэгвэл Үндэсний их баяр наадмыг зохион байгуулах хорооноос Улсын арслан М.Бадарчийн цолыг нь хурааж барилдах эрхийг нь дөрвөн жилээр хасаж шийтгэх шийдвэр гаргажээ. Мөн түүнд цолны даваанд унасан бөхчүүдэд цол нөхөн олгохоор шийдвэрлэсэн байна. Түүнчлэн уг саналаа Монгол Улсын ерөнхийлөгчид уламжлахаар болжээ.

Ингэснээр аман хүзүүдсэн улсын харцага Ц.Бямба-Отгон арслан цолтон болох боломжтой боллоо. 

---