Монгол Улсын төр, нийгмийн нэрт зүтгэлтэн, Хөдөлмөрийн баатар, Маршал Ю.Цэдэнбал агсны мэндэлсний 107 жилийн ой өнөөдөр тохиож байна. Энэ өдрөөр түүний хөшөөнд цэцэг өргөх хүндэтгэлийн ёслол боллоо.

ЗГХЭГ-ын дарга Д.Амарбаясгалан:

-Төр, нийгмийн нэрт зүтгэлтэн Юмжаагийн Цэдэнбал бол Улс орны хөгжил дэвшлийг бий болгох, өнөөдрийн Улаанбаатар хот, хорин нэгэн аймгийн суурийг тавьж, аж үйлдвэр, аж ахуй, соёл, боловсрол, шинжлэх ухааны салбаруудыг бодитоор хөгжүүлэхэд том хувь нэмэр оруулсан хүн юм.

Ю.Цэдэнбалын тууштай, тогтвортой бодлогын үр дүн өнөөдөр ч бидний амьдралд нөлөөлсөөр байна. Түүний Монгол төрд оруулсан хувь нэмэр, нэр төр, их гавьяа зүтгэлийг үлгэр дуурайлал болгож Монгол хүн Монгол түмэн, эх орныхоо төлөө хэрхэн ажиллаж, тэмцэж болдог сайн жишгийг харж санаж явах учиртай" гэлээ.

---