Төрийн банкнаас Монгол Улсын иргэдийн хамгийн ихээр аялж, худалдан авалт хийдэг Урд хөршид ЮнионПэй картаар гүйлгээ (ПОС терминал төхөөрөмжид уншуулж гүйлгээ хийх, онлайн худалдан авалт хийх) хийгээд нийт үнийн дүнгийн 10 хүртэл хувиа буцаан авах урамшуулалт аяныг энэ сарын 15-наас 10 дугаар сарын 14-ний өдрийг дуустал зарлаж байна.

Аянд оролцохын тулд Та Төрийн банкны ЮнионПэй картыг хэрэглэдэг, хугацаа нь хүчинтэй ЮнионПэй карттай харилцагч байхад л болох аж. Хэрэв Та Төрийн банкны ЮнионПэй картгүй, эсвэл ЮнионПэй картын хугацаа дууссан бол 09-р сарын 15-ны өдөр буюу аян эхлэхээс өмнө картын төрлүүдээс сонголтоо хийж захиалаарай. Захиалгаа Төрийн банкны ibank.mn вэбсайтыг ашиглан онлайнаар болон Төрийн банкны салбарт очиж захиалах боломжтой юм.

Аяны талаар болон ЮнионПэй карт захиалахтай холбоотой дэлгэрэнгүй мэдээллийг Төрийн банкны State Bank of Mongolia фэйсбүүк пэйж хуудас болон банкны вэбсайт хаяг www.statebank.mn, мөн лавлах 1800-1881 утаснаас аваарай.

---