Цагдаагийн байгууллагад энэ  сарын 19-ний өдрийн 19 цаг 20 минутад "Ачааны автомашин тоормос ажиллагаагүй болсны улмаас осол гаргалаа" гэх дуудлага мэдээлэл бүртгэгдсэн байна.

Дуудлага, мэдээллийг шалгахад Чингэлтэй дүүргийн 6 дугаар хороо Энэбишийн өргөн чөлөө Тасганы овооны зүүн талын замд хөдөлгөөнд оролцож байсан Ниссан маркийн ачааны тээврийн хэрэгслийн тоормос ажиллагаагүй болж, замын хөдөлгөөнд оролцож явсан 2 тээврийн хэрэгслийг мөргөн, 11 тээврийн хэрэгслийг шүргэж, замын хажуу руу онхолдсон зам тээврийн осол гаргасаныг цагдаагийн байгууллагаас шалгалтын ажиллагаа явуулж байна. 

Зам тээврийн ослын улмаас нийт 5 иргэн эмнэлгийн анхан шатны тусламж авсан бөгөөд биеийн байдал хэвийн байна. 

Жолооч та бүхэн замын хөдөлгөөнд оролцохдоо тээврийн хэрэгслийн бүрэн бүтэн байдлыг хангаж, замын хөдөлгөөний дүрмийг баримтлан хөдөлгөөнд оролцохыг цагдаагийн байгууллагаас зөвлөж байна.

---