Ардчилсан намын Үндсэн дүрмийн хороо өнөөдөр /2018.12.03/ хуралдаж, бүлгийнхээ гишүүн буюу УИХ-ын гишүүн Ж.Батзандан, Л.Болд, Д.Мурат нарт улс төрийн хариуцлага тооцох шийдвэрийг гаргасан байна.

Өөрөөр хэлбэл, УИХ-ын гишүүн Ж.Батзанданг АН-аас хөөх шийдвэрийг гаргаж, харин УИХ-ын гишүүн Л.Болд, Д.Мурат нарыг дөрөв хүртэлх жилийн хугацаанд нэр дэвших эрхийг нь хасчээ.

Тэднийг Ерөнхий сайдыг авч үлдэхээр кноп дарсан нь намын дүрмээ зөрчсөн гэж үзэж байгаа юм.

УИХ дахь Ардчилсан намын бүлгийн дарга Д.Эрдэнэбат: 

-МАН-ын дотоод зодоон манайд хамаагүй шүү. Гэхдээ бодит байдал дээр хэрэгжихгүй байгаа хууль бус зүйлийг бид эсэргүүцэж байна. Жишээ нь ЖДҮХС-аас 950 сая төгрөгийн төсөвтэй маш олон төсөл нэгэн зэрэг олгогдсон байна. Тэгшитгэн хувиарлах зарчим явагдсан. Үүнийг манай нам эсэргүүцэж байна. Төрийн мөнгийг түмэндээ үнэнчээр олгохыг л бид шаардсан. Үүний төлөө У.Хүрэлсүхийн засгийн газрыг огцруулах кнопыг дарсан. 

Ардчилсан намын дарга С.Эрдэнэ: 

У.Хүрэлсүхийн Засгийн газар юу ч хийхгүй байгаа нь үнэн шдээ. Долларын ханш, бензин шатахууны үнийг хар, ард түмний амьдралыг хар л даа.

У.Хүрэлсүх сайд шударга үнэний төлөө тэмцдэг гэсэн. Өнөөдөр юу хийв. Анх У.Хүрэлсүхийг манай намын бүлэг дэмжиж, Ерөнхий сайд болгож өгсөн. Гэтэл өнгөрсөн нэг жил гурван сард юу хийв.

Ерөнхий сайд У.Хүрэлсүхийн ярьж байгаа 3 ажил бий. Бүгдийг нь өмнөх Засгийн газрууд хийсэн. Өөрөө юу ч хийхгүй байна. Шударга үнэний төлөө явж байна гэсэн үгнээс өөр юу ч хийгээгүй гэсэн юм. 

Мөн тус намын бүлэг УИХ-ын дарга М.Энхболдыг хууль зөрчсөн байна гэсэн Үндсэн хуулийн цэцийн дүгнэлт УИХ-д ороод ирэвл огцруулах кноп дарахад бэлэн гэсэн юм. 

Дашрамд дурдахад УИХ-ын даргыг огцруулах 3 үндэслэл бий.

1-рт: Нас барах

2-рт: Хууль зөрчсөн болохыг нь ҮХЦ тогтооно

3-рт: Өөрөө өргөдлөө өгөх

---