БНХАУ-ын Үндэсний сансар судлалын газар, Хятадын Шинжлэх ухааны академи хамтран "Тяньвэнь-1" тойрог замын аппаратын тусламжтай авсан Ангараг гарагийн хамгийн том өнгөт зургийг нийтэлжээ.

Улаан гарагийн зурагны орон зайн нягтрал нь 76 м бөгөөд 2021 оны 11-р сараас 2022 оны 7-р сарын хооронд "Тянвэнь-1" тойрог замын аппаратад суурилуулсан камераар авсан 14,757 зураг дээр үндэслэн боловсруулжээ.

Хятад улс Ангараг гараг руу аялах анхны "Тянвэнь-1" хөлгөө 2020 оны долдугаар сарын 23-нд хөөргөсөн.

Хөлөг 202 хоногийн нислэгийн дараа Ангараг гарагийн тойрог замд орсон бөгөөд 2021 оны тавдугаар сарын 15-нд Улаан гаригийн гадаргуу дээр зөөлөн газардаж, тавдугаар сарын 22-нд Жужун ровер буух тавцангаас гарч, гарагийг судалж эхэлсэн юм.

---