УИХ-ын гурван гишүүний бүрэн эрхийг түдгэлзүүлэх асуудал Халдашгүй байдлын дэд хороогоор хэлэлцэгдэж байна. Харин тус дэд хорооны шийдвэр гарсны дараа МАН-ын бүлэг энэ асуудлыг хэлэлцэж, улс төрийн шийдвэрээ гарах юм.

МАН-ын ЕНБД, ЗГХЭГ-ын дарга Д.Амарбаясгалан:

-МАН-ын Хяналтын ерөнхий хороон тус асуудалд нэр нь холбогдсон гишүүдээс тайлбарыг нь аваад эхэлсэн. Ойрын хугацаанд бүх асуудал шийдэгдэнэ. Намын гишүүнээсээ түдгэлзэхээр өргөдлөө өгсөн гишүүн байгаа. Хяналтын ерөнхий хороо албан ёсны шийдвэрээ танилцуулна гэж бодож байна. Халдашгүй байдлын дэд хороон дээр хууль хяналтын байгууллагууд ямар баримт мэдээлэл дээр үндэслэж гишүүний бүрэн эрхийг түдгэлзүүлэх асуудал ярьж байна вэ гэдэг нь чухал. Дэд хорооны шийдвэр гарсны дараа бүлэг дээр энэ асуудлыг ярина. Тэгээд улс төрийн шийдвэр гарна. Өмнө ч ийм асуудал гарч байсан. Тухайн үед Халдашгүй байдлын дэд хорооны шийдвэрийг гол болгож нам улс төрийн шийдвэрээ гаргаж байсан.

ХНХ-ын сайдын асуудлыг 14 хоногийн хугацаанд шийдвэрлэх хуулийн заалттай. Таван Ш ажиллагааны “Шүүр” ажиллагааг миний хувьд хариуцан ажиллаж байна. Төрийн бүх түвшинд хуулийн зөрчилтэй албан тушаалд томилогдсон албан хаагчдын асуудлыг хөндсөн байгаа. Урьдчилсан байдлаар нэлээдгүй зөрчил илэрсэн гэдэг мэдээлэл авсан гэв. 

---