УИХ-ын Халдашгүй байдлын дэд хороо Т.Аюурсайхан, Д.Бат-Эрдэнэ, Н.Наранбаатар нарын бүрэн эрхийг түдгэлзүүлэх ерөнхий прокурорын саналыг хаалттай хэлэлцэж байна. Тус саналыг оруулж ирсэн Монгол Улсын ерөнхий прокурор Б.Жаргалсайханаас зарим зүйлийг тодрууллаа. 

Монгол Улсын Ерөнхий прокурор Б.Жаргалсайхан:

-Гурван гишүүний бүрэн эрхийг түдгэлзүүлэх зайлшгүй шаардлага байгаа. Мөрдөх байгууллагын ажиллах боломжийг нь хангах үүднээс энэ асуудлыг УИХ-д оруулж ирсэн. Түүнээс аль нэг гишүүний гэм буруугийн асуудлыг шийдэх гэж оруулаагүй. Мөрдөн шалгах ажиллагаа явагдаж байна. Үндэслэл байгаа учраас яллагдагчаар татсан гэлээ.

---