СПОРТ
ХӨГЖИМ
™ watch
Улс төр | 2023-03-27

🔴LIVE: Д.Тогтохсүрэн: Сонгуулийн зурагт самбар, ухуулагч нарын тоог багасгаж, хямд зардлаар зохион байгуулна

Нийтэлсэн
1 жилийн өмнө


Сурталчилгаа
Нийтэлсэн:   Б.Баярцэцэг
1 жилийн өмнө

УИХ дахь МАН-ын бүлгийн өнөөдрийн хуралдаанаар УИХ-ын Сонгуулийн тухай хуульд нэмэлт өөрчлөлт оруулах тухай хуулийн төслийг хэлэлцэж шийдвэрлэжээ. 

УИХ дахь МАН-ын бүлгийн дарга Д.Тогтохсүрэн: 

-УИХ-ын даргын захирамжаар УИХ-ын Сонгуулийн тухай хуульд нэмэлт өөрчлөлт оруулах ажлын хэсэгт парламентад суудалтай гурван намын төлөөлөл орж ажиллаж, нэмэлт өөрчлөлтийг боловсруулсан байгаа. Тодруулбал, сонгууль болохоос нэг жилийн өмнө Сонгуулийн тухай хуульд өөрчлөлт оруулахыг хориглоно гэж Үндсэн хуульд заасан байдаг. Ийнхүү гурав дахь өдрийн Засгийн газрын хурлаар санал авч, УИХ-д өргөн барих бэлтгэлийг хангаж байна. 

Сонгуулийн хуультай холбоотой дараах таван өөрчлөлтийг оруулахаар ярьж байна. 

  1. Сонгуулийн холимог тогтолцоогоор өргөн барихаар тогтож байна. Өөрөөр хэлбэл, 50 хувь нь мажоритар, 50 хувь нь пропорциональ буюу намын жагсаалтаар байх юм.
  2. Сонгуулийн зардлыг бууруулах чиглэлээр хэд хэдэн өөрчлөлтийг оруулна. Нэг ёсондоо, зурагт самбар, ухуулагч, шадар туслахуудын тоог багасгаж, хямд зардалтай сонгууль зохион байгуулах
  3. Гадаадад байгаа сонгогчдын саналыг авах 
  4. Улс төрийн намуудад тавих босгыг 3 хувь байлгах. 
  5. Нэр дэвшигчдийн нэг хүйсийн эзлэх хувь 30 хувиас доошгүй байна. 

Өнгөрсөн оны зургаадугаар сард Үндсэн хуулийн цэц 01 тогтоол гаргасан бөгөөд энэ нь эцсийн шийдвэр байдаг. Өмнө нь сонгуулийн тогтолцоог хэд хэдэн удаа өөрөөр шийдэж ирсэн. Холимог тогтолцоо бол одоо нээлттэй. Үндсэн хуулиар гишүүдийн тоо 76 байгаа. Энэ дагуу 38, 38 гэдгээр хуулийн найруулгад өргөн барьсан.

УИХ-ын Сонгуулийн тухай хуульд нэмэлт өөрчлөлт оруулах тухай хуулийн төсөлд Засгийн газар энэ долоо хоногт саналаа өгчихвөл ирэх долоо хоногт УИХ-аар хэлэлцэнэ хэмээв. 

Сурталчилгаа

Манай хуудсыг дагаарай!


Сэтгэгдэл (4)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
1 жилийн өмнө
202.21.121.252

Сонгууль яах вэ, тэрнээс наана шудрага байдлыг бий болгож чадахгүй бол та нар тэр чигээрээ алга болно за.

Зочин
1 жилийн өмнө
202.21.121.252

Сонгууль сонирхож байгаа хүн нэг ч алга. Нүүрсний хэрэг, Хөгжлийн банкны хэрэг, Эрдэнэтийн 49%, Улсын их хурлын гишүүдийг эргүүлэн татах гэх мэт хэргүүдэд яаж хандаж байгааг чинь иргэн бүр соргог ажиглаж байна. Эдгээрийг шийдсэний дараа л наад сонгуулиа ярь.

Зочин
1 жилийн өмнө
202.21.121.252

38-ийн ард нь өөрөө болон зарим хулгайч нарыг хийнэ гэж мөрөөдөж хэрэггүй. Иргэд соргог болсон шүү.

зочин
1 жилийн өмнө
202.9.40.40

Сонгуулиасаа өмнө намынхаа хулгайчдыг шийтгэж чадахгүй бол та нар гарахгүй шүү...аа тийм нээрээ та нар чинь хар машинаар санал луйвардаад гарчдаг юм чинь саналын хуудсыг оролцогч намуудын хяналтан дор гараар тоолхо нь шударга байх шүү...

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.