УИХ дахь МАН-ын бүлэг мэдээлэл хийж байна.

УИХ дахь МАН-ын бүлгийн дарга Д.Тогтохсүрэн:

-УИХ дахь МАН-ын бүлэг өнөөдөр хоёр асуудал хэлэлцсэн. Нэгдүгээрт, УИХ-ын Хаврын чуулганаар хэлэлцэх хуулиудын дараалал, хоёрдугаарт, намрын чуулганы завсарлагаанаар УИХ-ын гишүүд тойрогтоо ажилласан талаар ярилцлаа.

Авлигатай тэмцэх чиглэлийн хууль эрх зүйн орчныг боловсронгуй болгоход онцгой анхаарч хэд хэдэн хуулийг ээлжит чуулганы эхэнд батлах нь зүйтэй гэж санал нэгдлээ. Энэ хүрээнд Нийтийн албан нийтийн болон хувийн ашиг сонирхлын зөрчлөөс урьдчилан сэргийлэх тухай, Шүгэл үлээгчийн эрх зүйн байдал зэрэг хуулийг УИХ ойрын үед хэлэлцэж шийдвэрлэх, Үндэсний баялгийн сан, Уул уурхайн бүтээгдэхүүний олборлолтын ил тод байдлын зэрэг хуулийг батлах хэрэгтэй байгаа. Түүнчлэн УИХ-ын сонгуулийн болон Улс төрийн намын тухай хуулийн төсөл бий. Эхний ээлжид эдгээр 50 гаруй хуулийг хэлэлцэх шаардлагатай гэж үзлээ. Мөн гишүүд тойрогтоо ажиллах үеэр дараах арван асуудлыг иргэдийн зүгээс хэлжээ. 

1. Өргөн хэрэглээний бараа, бүтээгдэхүүний үнийн өсөлт, инфляц,
2. Тэтгэвэр, тэтгэмж амьжиргаанд хүрэлцэхгүй байна
3. Бүх төрлийн зээл олголтыг нэмэгдүүлэх,
4. Арьс ширний үнийг нэмэгдүүлэх,
5. 1072 хувьцааг олгох
6. Хүүхдийн мөнгийг тэгш олгох
7. Нийслэлийн түгжрэл, агаарын бохирдлыг бууруулах
8. Авлига албан тушаалын хэрэгт холбогдсон улс төрийн өндөр албан тушаалтанд оноох ялын бодлогыг чангатгах
9. Төрийн боловсон хүчнийг бэлтгэх, сахилга хариуцлагыг дээшлүүлэх зэрэг арван санал гаргасныг Засгийн газарт нэгтгэж хүргүүлнэ гэв. 

---