СПОРТ
ХӨГЖИМ
™ watch
Эрүүл мэнд | 2023-02-09

Хан-Уул дүүрэгт олон улсын стандартад нийцсэн жишиг өрхийн эрүүл мэндийн төв ашиглалтад орлоо

Нийтэлсэн
1 жилийн өмнө


Сурталчилгаа
Нийтэлсэн:   Б.Баярцэцэг
1 жилийн өмнө

Хан-Уул дүүргийн 14 дүгээр хороо буюу Өлзийт хороололд шинэ өрхийн эрүүл мэндийн төв өнөөдөр /2023.02.09/ ашиглалтад орлоо. Өлзийт хороолол 6000 гаруй хүн амтай, 1900 орчим өрхтэй.

Ийнхүү олон улсын стандарт бүхий жишиг өрхийн эрүүл мэндийн төвийн ашиглалтад орсноор Өлзийт хорооллын 6000 гаруй иргэд тав тухтай орчинд эрүүл мэндийн анхан шатны тусламж үйлчилгээг гэрийнхээ ойроос авах боломж бүрдлээ. 

Хоёр давхар жишиг төв нь хүүхдийн болон эмчийн үзлэгийн өрөө, дархлаажуулалт, шинжилгээ, сэргээн засах физик эмчилгээний болон зүрхний цахилгаан бичлэг, ЭХО, шүдний кабинет, чийрэгжүүлэлтийн өрөөтэй, эрүүл мэндийн нийгмийн ажилтан, сувилагчийн өрөөг ажлын болон амралтын зориулалтаар тохижуулсан.

Алсын бүсийн жишиг өрхийн эрүүл мэндийн төвийн нээлтийн үйл ажиллагаанд НИТХ-ын төлөөлөгч, Хан-Уул дүүргийн Засаг дарга Ж.Алдаржавхлан, НИТХ-ын Төлөөлөгч Б.Мягмар болон дүүрэг, хорооны холбогдох хүмүүс, өрхийн эмч сувилагч, иргэдийн төлөөлөл оролцлоо.

Алсын бүсэд үйл ажиллагаа явуулах “Энхамгалан-Өлзийт” өрхийн эрүүл мэндийн төв нь тус хорооны оршин суугч, хүүхэд, өндөр настан, хөгжлийн бэрхшээлтэй иргэдэд эрүүл мэндийн анхан шатны үйлчилгээ, гэрийн эргэлт үзлэг болон яаралтай тусламж үйлчилгээг хүртээмжтэй үзүүлэх боломж бүрдлээ.

Мөн Хан-Уул дүүрэгт 2022-2023 онд нийт НАЙМАН хороонд /8/ ӨРХИЙН ЭРҮҮЛ МЭНДИЙН ТӨВ шинээр ашиглалтад орно. Өнөөдөр энэ ажлын эхлэл болж 14 дүгээр хороонд шинэ өрхийн эрүүл мэндийн төв иргэддээ үйлчилгээ үзүүлж, үйл ажиллагаагаа эхлүүллээ.

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.