Монгол Улсын дээд шүүхийн нийт шүүгчийн хуралдаан үргэлжилж байна. Өнөөдрийн хуралдаанаар Л.Гантөмөрийг Ардчилсан намын даргаар бүртгүүлэх тухай Ч.Өнөрбаяр, Л.Гантөмөр нарын өргөдөл, Д.Ганбатыг Ардчилсан намын даргаар бүртгүүлэх тухай С.Эрдэнийн өргөдлийг тус тус хэлэлцэх юм.

Нийт шүүгчдийн хуралдаан үргэлжлэх үеэр “хоёр” Ардчилсан нам Улсын Дээд шүүхийн гадна 12:30 минут зэрэг мэдээлэл өгсөн юм. Энэ үеэр Ардчилсан намын Ерөнхий нарийн бичгийн дарга И.Мөнхжаргал өөрийн байр сууриа ийн илэрхийлжээ.

Тэрбээр, Ардчилсан намын 200 мянган гишүүний 117 мянган хүн Х.Баттулгыг намын дарга хэмээн хүлээн зөвшөөрч, түүний удирдлага дор өнөөдрийг хүртэл ажиллаж ирсэн. Тэр хүнийг намын их хурлаар ёсчлон батламжилсан тогтоол ч өдгөө хүчин төгөлдөр хэвээр байдаг. Хэрэв дараагийн даргыг сонгох ёстой юм бол тэр тогтоолыг хүчингүй болгох ёстой гэсэн байр суурь хэвээр байна.

Л.Гантөмөр, Д.Ганбат нарын материал Ардчилсан намын дотоод дүрэм, журамд нийцээгүй гээд “Битгий бүртгэ” гэж эсэргүүцсэн бичгээ УДШ-д би хүргүүлсэн байгаа.

Эрх баригчдад Үндсэн хуулийг баталж өгнө гэж дарга болж болохгүй. Дээд шүүх хууль, дүрэм, журмаа биелүүлэхгүй бол Ардчилсан намын хувьд дээд шүүх гэж байгууллага байхгүй болно гэсэн үг гэв.

Харин 15:00 цагт УИХ-ын гишүүн С.Ганбаатар Дээд шүүхийн ерөнхий шүүгч Д.Ганзоригийг Цэцэд өгч, Цэцийн гадна мэдээлэл өгөхөө хэвлэл мэдээллийн хэрэгслүүдэд зарлаад буй.

---