УИХ-ын гишүүн, Хөдөлмөр, нийгмийн хамгааллын сайд Т.Аюурсайханыг яллагдагчаар татаж, тогтоолтой нь танилцуулсан талаар бид өчигдөр мэдээлсэн билээ. Бидний авсан мэдээллээр түүнийг “нүүрсний” гэх хэрэгт холбогдон шалгуулж байгаа 11 хүнтэй уулзахыг хязгаарлажээ.

Тодруулбал, “Эрдэнэс Тавантолгой” ХК-ийн гүйцэтгэх захирал асан, Аж үйлдвэрийн гавьяат ажилтан Б.Ганхуяг, “Тавантолгой төмөр зам” ХХК-ийн захирал, Хөдөлмөрийн баатар Н.Удаанжаргал, ХНХЯ-ны харьяа агентлаг болох Хөгжлийн бэрхшээлтэй хүний хөгжлийн ерөнхий газрын дарга, Чингэлтэй дүүргийн МАН-ын хорооны дэд дарга, тус дүүргийн ИТХ-ын төлөөлөгч, Т.Аюурсайханы шадар туслах байсан И.Даваадорж, “Эрдэнэс Тавантолгой” компанийн ерөнхий аудитор, мөн шадар туслах асан Б.Отгонжаргал, тус компанийн Дотоод хяналт, эрсдэлийн удирдлагын газрын захирал байсан Х.Нурлат, иргэн Б.Батхүү (Өмнөговь аймаг дахь Хилийн цэргийн 0131 дүгээр ангийн захирагчаар ажиллаж байсан, хурандаа цолтой нэгэн байх магадлалтай), Б.Буяннэмэх, Д.Отгонсүрэн, Д.Дагвадорж, С.Баярмөнх, А.Цолмонтуяа гэсэн хүнтэй уулзахыг хориглосон байна.

---