Туркийн зүүн өмнөд хэсэгт, Сирийн хилийн ойролцоо болсон хүчтэй газар хөдлөлтийн улмаас олон хүн нурангид дарагдаж, 500 гаруй хүн амиа алджээ. Амь үрэгдсэн хүмүүсийн

• 284 нь Туркт,
• 230 нь Сирид бүртгэгдсэн байна.

Уг газар хөдлөлт орон нутгийн цагаар 04:17 минутад 7.8 магниудын хүчтэй болсон бөгөөд удалгүй хоёр дахь чичиргээ мэдрэгджээ.

Тэгвэл манай улсын иргэд цөөн тоогоор зорчдог бүс нутагт газар хөдлөлт болсон бөгөөд одоогоор Монгол улсын иргэн өртсөн гэх мэдээлэл байхгүй хэмээн ГХЯ-наас мэдээлээд байна. Үргэлжлүүлэн Анкара дахь ЭСЯ Монгол иргэд газар хөдлөлтөд өртсөн эсэхийг Туркийн холбогдох байгууллагаас тодруулахаар ажиллаж байгаа аж. 

---