СПОРТ
ХӨГЖИМ
™ watch

Ж.Эрхэмбаатар: ЦХХХЯ-наас хэрэглэгчийн хаягийг түдгэлзүүлэх, контентыг хаах эрх байхгүй, ийм зорилгыг ч энэ хууль агуулаагүй

Нийтэлсэн
2 долоо хоногийн өмнө


Сурталчилгаа
Нийтэлсэн:   Б.Баярцэцэг
2 долоо хоногийн өмнө

Олон нийтийн сүлжээнд хүний эрхийг хамгаалах тухай хуулийн төслийн зарим зүйл, заалтыг цахим орчинд иргэд эсэргүүцэж, мэргэжлийн хүмүүс өөрсдийн байр сууриа илэрхийлээд буй. Харин өнөөдөр уг хуулийн онцлог болоод бусад асуудлаар Цахим хөгжил, харилцаа холбооны яамнаас дараах тайлбарыг өглөө.

Цахим хөгжил, харилцаа холбооны Дэд сайд Ж.Эрхэмбаатар:

-Олон нийтийн сүлжээний онцлогт тохируулсан эрх зүйн орчныг бид бий болгох ёстой. Зөвхөн Монгол улс гэлтгүй Европын холбооноос саяхан цахим орчин дахь аюулгүй байдлын актаа батлуулаад байна. Тэгж яривал фэйсбүүк АНУ-ын хяналтад байдаг компани шүү дээ.

Хуулиа хэрэгжүүлэх үүднээс эрх зүйн орчноо бий болгоод, хэрэглэгчийн эрхийг тодорхой болгох юм. Зөрчилтэй контентыг яаж зогсоох зэрэг хамтран ажиллах эрх зүйн орчноо бий болгоход энэ хуулийн гол зорилго оршино.

Харин энэ бүхнийг олон нийтийн сүлжээний үйлчилгээ эрхлэгч хийнэ. Үндэслэл нь иргэдээс ирсэн хүсэлтийг "ногоон сувгаар" хүргүүлэхэд тухайн контентыг шалгана гэсэн үг.

7.1.4-т заасан төлөөлөгчийн газар байгуулна гэдэг нь илүү ойр ажиллаж, шийдвэрлэлтийг нэмэгдүүлэх, магадгүй төлөөлөгчийн газраар дамжуулж Монгол улсаас гомдол авах эрх зүйн орчныг нээж байгаа юм хэмээлээ. 

Хуулийн төсөл нь 6 бүлэг, 12 зүйлтэй байх бөгөөд хуулийн төсөлд тусгасан зарим зохицуулалтыг дурдвал:

  • Зөрчилтэй контентод хамаарах мэдээлэлд цахим сүлжээ ашиглан залилсан, хүнийг заналхийлсэн, доромжилсон, гүтгэсэн, эсхүл хүний нэр төр, алдар хүнд, хуулийн этгээдийн ажил хэргийн нэр хүндийг гутаасан агуулга бүхий үг хэллэг, харьцуулалт, дүрслэл зэргийг ашигласан, хүүхдийн бие махбодь, оюун санаа, зан суртахуунд сөргөөр нөлөөлөхүйц дарамт үзүүлсэн, уриалсан, сурталчилсан мэдээллийг зөрчилтэй контентод тооцохоор тогтоосон.
  • Хүчирхийлэл, садар самуун, хүнийг амиа хорлох, өөрийн бие махбодид гэмтэл учруулах, мансууруулах эм, сэтгэцэд нөлөөт бодисыг хэрэглэхийг уриалсан, сурталчилсан, хувь хүн буюу тодорхой бүлгийг үндэс угсаа, хэл, арьсны өнгө, хүйс, нийгмийн гарал, байдал, хөрөнгө чинээ, шашин шүтлэг, үзэл бодол, бэлгийн, хүйсийн чиг баримжаа, хөгжлийн бэрхшээл болон эрүүл мэндийн байдлаар нь ялгаварлан гадуурхсан, дайсагнуулах, эвдрэлцүүлэх, салан тусгаарлахыг ухуулсан, уриалсан зэрэг мэдээлэл нь зөрчилтэй контентод хамаарахаар тусгасан.
  • Зөрчилтэй контентын талаарх хүсэлтийг хүн, хуулийн этгээдээс, зөвлөмж, шаардлагыг хуульд заасан эрх бүхий байгууллагаас Кибер халдлага, зөрчилтэй тэмцэх нийтийн төвийн олон нийттэй харилцах нэгж нь хүлээн авч, 72 цагийн дотор хянан шийдвэрлэж, хүсэлтийг хүлээн авахаас татгалзах, эсхүл хүсэлтийг шийдвэрлэж, шийдвэр, зөвлөмж, шаардлагыг ногоон сувгийн үйлчилгээ эрхлэгч болон олон нийтийн сүлжээний үйлчилгээ эрхлэгчид хүргүүлэх, эсхүл харьяаллын дагуу эрх бүхий байгууллагад шилжүүлж, хамтран ажиллахаар тусгалаа. Мөн олон нийттэй харилцах нэгж нь зөрчилтэй контентын талаарх хүсэлтийг хянан шийдвэрлэхдээ лавлагаа, тодорхойлолт, тайлбар гаргуулан авах, шинжээч ажиллуулах, Хүний эрхийн Үндэсний Комиссын саналыг авч болохоор тогтоосон байна.

 

Сурталчилгаа

Манай хуудсыг дагаарай!


Сэтгэгдэл (1)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

DR. PRADHAN
2 долоо хоногийн өмнө
129.205.113.154

БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.