Коронавируст халдвар /ковид-19/-ын цар тахлаас урьдчилан сэргийлэх нийгэм эдийн засагт үзүүлэх сөрөг нөлөөллийг бууруулах тухай хуулийн үйлчлэх хугацаа 2022 оны 12 дугаар сарын 31-ний өдрөөр дуусгавар болсон. Үүнтэй холбогдуулан виз, оршин суух зөвшөөрлийн хугацаа хэтрүүлсэн уригч болон гадаадын иргэнд Зөрчлийн тухай хуулийн дагуу арга хэмжээ авч эхэлсэн талаар Гадаадын иргэн харъяатын газраас анхаарууллаа.

Иймд виз, оршин суух зөвшөөрлийн хугацаа хэтрүүлсэн гадаадын иргэн зөрчил арилгуулахдаа дараах баримт бичгийг бүрдүүлсэн байх ёстой аж.

Уригч аж ахуйн нэгж

• Үйлдсэн зөрчлөө сайн дураараа хүлээн зөвшөөрч зөрчил арилгуулах тухай албан бичиг
• ААН-ийн улсын бүртгэлийн гэрчилгээний хуулбар
• Захирлаас өөр хүн ААН-ийг төлөөлөх тохиолдолд тухайн иргэнд олгосон ААН-ийг төлөөлөх итгэмжлэх
• ААН-ийн итгэмжлэгдсэн төлөөлөгчийн иргэний үнэмлэх, түүнийг орлох баримт бичиг
• Зөрчил гаргасан гадаадын иргэний баримт бичиг
• Торгуулийн төлбөр төлсөн баримт

Уригч иргэн

• Уригч иргэний үйлдсэн зөрчлөө сайн дураараа хүлээн зөвшөөрч, зөрчил арилгуулах өргөдөл, хүсэлт
• Уригчийн иргэний үнэмлэхний хуулбар
• Зөрчилтэй гадаадын иргэний баримт бичиг
• Торгуулийн төлбөр төлсөн баримт

Гадаадын иргэн

• Үйлдсэн зөрчлөө сайн дураараа хүлээн зөвшөөрч зөрчил арилгуулах өргөдөл, хүсэлт
• Зөрчилтэй баримт бичиг
• Торгуулийн төлбөр төлсөн баримт

Зөрчил шийдвэрлүүлсэн уригч болон гадаадын иргэн доорх баримт бичгийг бүрдүүлж хасалт хийлгэнэ.

1. УРИГЧИЙН хасалт хийлгэх хүсэлт

• ААН хасалт хийлгэх тухай албан бичиг
• Уригч иргэн хасалт хийлгэх тухай өргөдөл

2. ГАДААДЫН ИРГЭНИЙ хасалт хийлгэх тухай өргөдөл хүсэлт

---