Нүүрсний хулгайтай холбогдсон төрийн өндөр албан тушаалтнуудыг зарлаж, хариуцлага тооцохыг иргэд шаардсаар төв талбайд ес хонолоо.

Тэгвэл өнгөрсөн шөнө суулт зарлаж, төв талбай дээр хоносон зураач Л.Өнөрчимэгийн байр суурийг хүргэе.

Зураач Л.Өнөрчимэг:          

-Суулт зарласан иргэдийн хоолой өвдөж, ханиад хүрч байгаа нь ирээдүйд хууч өвчтэй болох эрсдэлтэй. Энэ жагсаалд оролцож буй иргэдийг улс хяналтдаа авч, эмчлэх хэрэгтэй.

Энэ бол жагсаал биш. Монголын ард түмний хүсэл, зориг. Монгол орон оршин тогтнох эсэхийг шийдэх чухал цаг үе тохиож байна.

Би төрийн албан хаагч. Намайг жагсаалд оролцсоны дараа миний амьдрал яах нь мэдэгдэхгүй байна.

Нүүрсний хулгайн эсрэг тэмцэж байгаа ч гэртээ түлэх нүүрсгүй хүн ч бий. Төр засгаа унагах бодол жагсагчдад байхгүй. Цагдаагийн алба хаагчид өнгөрсөн шөнө биднийг хамгаалж, эмч нар үзлэг хийж өгсөнд талархаж байна гэлээ.

---