Нүүрсний хулгайчдыг зарла хэмээн төв талбайд иргэд жасгаж байна. Үүсээд байгаа асуудлаар ЗГХЭГ-ын дарга Д.Амарбаясгалан, ЭЗХ-ийн сайд Ч.Хүрэлбаатар мэдээлэл хийж байна

ЗГХЭГ-ын Д.Амарбаясгалан:

-Л.Оюун-Эрдэнийн Засгийн газраас тодорхой ажлуудыг хийж хэрэгжүүлэд явж байгаа. Тухайлбал, "Эрдэнэт"-ийн 49 хувийн маргааныг шүүхэд шилжүүлсэн. Дарханы төмөрлөгийн үйлдвэрт мөн олон тэрбум төгрөгийн хохирол учруулсан хэргийг ил болгосон. Эрдэнэс Тавантолгой ХК-ийн нэг мөргөцөг алга болсон хэргийг 2017 оноос хойш ЦЕГ-ын Эдийн засгийн гэмт хэрэгтэй холбоотой хэсэг шалгаж дуусаагүй байна.

Засгийн газраас "Эрдэнэс Тавантолгой" компанийн нүүрсний хулгайтай холбоотой асуудлыг хөндсөн болон Бүрэн эрхт төлөөлөгч томилсонтой холбоотойгоор өнөөдрийн байдлаар 15 албан тушаалтан Авлигатай Тэмцэх газарт шалгагдаж байна. Үүнд, Засгийн газрын, төрийн өмчийн, яамд, агентлагийн тодорхой төлөөлөл шалгагдаж байгаа. Гэм буруутай эсэхийг нь шүүхийн байгууллага тогтооно.

Залуучууд нэгдэн "Нүүрсний хулгайчдыг зарла" жагсаалыг зохион байгуулаад байна. Жагсаал хоёр дахь өдрөө Сүхбаатарын талбайд үргэлжилж байна. Үүнтэй холбогдуулан Ерөнхий сайдын захирамжаар ажлын хэсэг байгуулагдсан. Жагсаал зохион байгуулагчидтай уулзаж, асуудалд шийдэл олоход бэлэн байна. Засгийн газрын зүгээс шүгэл үлээгчийн үүргээ хангалттай гүйцэтгэж байгаа гэлээ.

---