Дархан-Уул аймгийн Дархан сумын 3-р баг “Тэс Петролиум” ХХК-д  гал түймэр гарлаа гэсэн дуудлага 09:21 цагт Онцгой байдлын газарт иржээ.

Алба хаагчдыг очиход 2000 тоннын багтаамжтай АИ-92 шатахууны нөөцийн сав шатаж байсныг унтраахаар ажиллаж байгаа аж.

Дуудлагын дагуу Гал түймэр унтраах, аврах 22, 54, Сэлэнгэ аймгийн Онцгой байдлын газрын Гал түймэр унтраах, аврах 19, 61 дүгээр ангийн алба хаагчид үүрэг гүйцэтгэж байна юм гэж Онцгой байдлын ерөнхий газраас мэдээллээ.

Харин, орон нутгийн хэвлэл мэдээллийн байгууллагын мэдээлж буйгаар нэг хүн амь насаа алдсан гэжээ. Бид тодруулж эргэн мэдээлэх болно. 

---