Ховд аймгийн Булган сумын “Өвхөөдөг” гэдэг газар 11 дүгээр сарын 27-ны өдрийн 12:00 цагийн орчим Булган сумын чиглэлд зорчиж явсан хоёр зорчигчтой суудлын автомашин эвдэрчээ.

Улмаар жолооч "А" нь тусламж гуйхаар яваад сураггүй алга болсон тухай дуудлагыг 11 дүгээр сарын 30-ны өдрийн 12:05 цагт Онцгой байдлын алба хүлээн авсан байна.

Тус аймгийн Онцгой байдлын газрын алба хаагчид, сумын мэргэжлийн ангийнхан малчин "А" /23 настай, эрэгтэй/-г эрэн хайх ажиллагааг зохион байгуулахаар хөдөлсөн байна. Тус сумын хилийн харуулууд тухайн иргэний цогцсыг олж, сум дахь Цагдаагийн хэлтсийн мөрдөгчид хүлээлгэн өгчээ.

---