ОХУ-ын Эрхүү муж дахь Ангарскийн нефтийн үйлдвэрт өчигдөр /2022.11.27/ их хэмжээний гал гарлаа

Гал гарсан тухай мэдээ орон нутгийн цагаар өглөөний 09:12 цагт ирсэн бөгөөд 13:17 цагт галыг бүрэн унтраажээ. Ослын газарт 100 гал сөнөөгч, 25 гал унтраах машин ажилласан аж.

Одоогоор галын шалтгаан тодорхойгүй байгаа бөгөөд эрх баригчид шалтгааныг судлах тусгай комисс байгуулжээ.

Ангарскийн нефтийн үйлдвэр нь газрын тосны бүтээгдэхүүн үйлдвэрлэх Зүүн Сибирийн хамгийн том үйлдвэр юм. 1955 онд нээгдсэн тус үйлдвэр нь жилд 10.2 сая тонн газрын тос олборлох хүчин чадалтай. 

Сануулахад, арваннэгдүгээр сарын 25-нд ОХУ-ын Ямало-Ненец дүүрэгт байрлах газрын тосны баазад томоохон хэмжээний гал гарч эхэлсэн. Түймэр 800 метр квадрат талбайг хамарсан гэж мэдээлсэн.

Эх сурвалж: stopcor.org

 

---