ОХУ-ын цэргийн тусгай ажиллагааны үеэр аж үйлдвэрийн байгууламжууд нь бүрэн хүчин чадлаараа ажиллаж байгаа ба энэ нь олон салбарт онцгой түлхэц үзүүлнэ гэж Ерөнхийлөгч Владимир Путин мэдэгджээ.

Тус улсын Хөгжлийн тусламж, өндөр технологийн аж үйлдвэрийн бүтээгдэхүүний үйлдвэрлэл, экспортын "Ростех" корпорацын 15 жилийн ойн арга хэмжээнд оролцох үеэрээ ноён Путин "Москва, Санкт-Петербург болон манай улсын Урал, Сибирь, Алс Дорнодын бүс нутаг дахь үйлдвэрүүд бүрэн хүчин чадлаараа, олон ээлжээр ажиллаж байна. Ингэснээр тэд өндөр технологийн аж үйлдвэрийг хөгжүүлэхэд өвөрмөц түлхэц өгөх ба аль хэдийн тодорхой хэмжээнд нөлөөлсөн" хэмээн тэмдэглэсэн байна.

Мөн энэ нь зөвхөн батлан ​​хамгаалахын салбар төдийгүй холбогдох цэргийн бус аж үйлдвэрүүдэд хамаарна гэдгийг онцолсон төрийн тэргүүн "Бид аж ахуйн нэгжүүдээ дэмжихэд чиглэсэн бүх шийдвэрийг нэн даруй гаргана. Харин ажиллах хүчний хувьд би тэдэнд эргэлзэхгүй байна. Би тэдэнд бүрэн итгэлтэй байна" гэжээ.

Эх сурвалж: TASS

---