Нийт нутгаар хүйтний эрч чангарч, шөнөдөө 40 градус, өдөртөө 29-34 градус хүрч хүйтэрнэ. Улаанбаатар хотод шөнөдөө 39-41 градус, өдөртөө 32-34 градус хүрч, эрс хүйтрэхийг Цаг уур, орчны шинжилгээний газраас сэрэмжлүүлж байна.

Тодруулбал, 

Цаг уурын байгууллагаас ирүүлсэн мэдээллээр энэ сарын 24, 25-нд төв, зүүн аймгуудын нутгаар, 27-28-нд ихэнх нутгаар цас орж, цасан шуурга шуурч, цас багатай нутгийн өмнөд хэсгээр хүчтэй салхи, шороон шуурга шуурч, цаашдаа ихэнх нутгаар хүйтний эрч эрс чангарахыг анхааруулж байна.

Мөн энэ сарын 28-наас эхлэн 12 дугаар сарын 2-ныг хүртэлх хугацаанд Дархадын хотгор, Хэнтийн уулархаг нутаг, Хүрэнбэлчир орчим, Завхан голын эхээр шөнөдөө -42-47 градус, өдөртөө -29-34 градус, Монгол-Алтай, Хангай, Хөвсгөлийн уулархаг нутаг, Эг, Үүр, Идэр, Тэс, Туул, Тэрэлж голын хөндийгөөр шөнөдөө -36-41 градус, өдөртөө -24-29 градус, говийн бүс нутгийн өмнөд хэсгээр шөнөдөө -18-23 градус, өдөртөө -9-14 градус, бусад нутгаар шөнөдөө -29-34 градус, өдөртөө -19-24 градус хүйтэн байх төлөвтэй байна.

Улаанбаатар хот орчимд энэ сарын 24, 27, 28-нд цас орж, 28-наас 12 дугаар сарын 01-ний өдрүүдэд хүйтний эрч эрс чангарч, шөнөдөө Яармаг-Сонгины орчмоор -39-41 градус, бусад хэсгээр -32-34 градус, өдөртөө -23-25 градус хүйтэн байх төлөвтэй байна.

ЦУОШГ-аас ХХААХҮЯ-нд эрчим хүч, дулаан хангамж, зам тээвэр, хөдөө аж ахуй, сургууль, боловсролын байгууллагын үйл ажиллагааг явуулахад ноцтой хүндрэл учирч болзошгүй тул шаардлагатай урьдчилан сэргийлэх арга хэмжээ авахыг сануулжээ

---