Нийгмийн эрүүл мэндийн тусламж, үйлчилгээнд салбар дундын болон аж ахуй нэгж, иргэдийн оролцооны шинэ хандлагыг бий болгох, эрүүл мэндийн байгууллагуудын цахим шилжилтийн үйл явцад дэвшил гаргах, тулгамдсан асуудлыг шийдвэрлэх зорилготойгоор НЗДТГ, НЭМГ хамтран зохион байгуулсан буй “Ub health care week” үзэсгэлэн гурван өдөр болж өндөрлөсөн билээ. 

Тус өдөрлөгт оролцсон эрүүл мэндийн байгууллагын төлөөллүүдээс цахим шилжилтийн хүрээнд хийж буй ажлуудыг тодрууллаа. 

Сүхбаатар эрүүл мэндийн төвийн Дотоод шүүрлийн булчирхайн эмч Н.Лхагважав:                   

-Манай улсад чихрийн шижин өвчний хэв шинжтэй 34 мянган хүн бий. 20-30 орчим насны залууст чихрийн шижин оношлогдож, энэ өвчний насжилт залуужсан байна.

Чихрийн шижин өвчнийг илрүүлэх аппликейшнд 1500 орчим хүн хандаж, судалгаа өгөөд байна гэлээ.  

---