Завхан аймагт 15 настай хүү өөрийгөө буудан хороосон хэрэг энэ сарын аравны өдөр гарчээ. 

Завхан аймгийн цагдаагийн байгууллагад “15 настай хүүхэд өөрийгөө буудчихлаа” гэсэн дуудлага энэ сарын 10-ны шөнийн 00:15 цагт иржээ. Дуудлагын дагуу Улиастай сумын цагдаагийн албан хаагчид хэргийн газарт очиход, 15 настай, эрэгтэй Н нь духан тус газарт буудуулж нас барсан байжээ. Зарим гэрчүүдийн ярьж байгаагаар гэр бүлийнхэнтэйгээ муудалцсанаас ийм хэрэг хийсэн аж. Хэргийн газраас ТОЗ-8 маркийн галт зэвсгийг хураан авч, уг хэргийг үргэлжлүүлэн шалгаж байна.

Цагдаагийн байгууллагаас галт зэвсэг болон түүнтэй адилтгах хэрэгсэл эзэмшдэг, харьцдаг бол аюулгүй ажиллагааг сайтар мөрдөж, аливаа эрсдэлээс урьдчилан сэргийлэхийг анхаарууллаа. 

---