УИХ-ын Төрийн байгуулалтын байнгын хорооны хуралдаанаар Төрийн албаны тухай хуульд нэмэлт оруулах тухай хуулийн төслийн анхны хэлэлцүүлгийг хийлээ. Тус хуулийн төсөлд сумын ЗДТГ-т ажилладаг төрийн захиргааны албан хаагчдад 5 жил тутамд мөнгөн урамшуулал олгохоор тусгаад байгаа юм. Уг хуулийн төсөлтэй холбогдуулан УИХ-ын гишүүн Ц.Сандаг-Очир дараах саналыг хэллээ.

УИХ-ын гишүүн Ц.Сандаг-Очир:

- Төрийн албаны зөвлөлийн сонгон шалгаруулалтыг хангаж чаддаггүй, шалгалт өгөөгүй залуучууд асар олон байна.Тэгсэн хэр нь тамгын газарт нь ажлын байр байгаад байдаг.Ажилгүй залуучууд байгаад байдаг.Ийм л асуудал үүсчихээд байна

Ер нь төрийн захиргааны албан хаагчдын дийлэнх нь Солонгос гарах гээд виз мэдүүлчхээд хүлээгээд байж байна. Яагаад гэхээр цалин багатай.

Солонгосын визний нөхцөл хөнгөрсөн тохиолдолд бүгд яваад төрийн захиргааны байгууллагад ажиллах хүнгүй болно. Үйлдвэрийн газрын албан хаагчид хүртэл мэдүүлэг өгчихөөд хүлээгээд сууж байна.

Виз нь гарсан бол өнөөдөр ажлаа хаяад явахад бэлэн. Сум гэлтгүй аймгийн төв ч ялгаагүй ийм байдалтай байгаа гэлээ

---