Энэ сарын 30-ны өдрийн 20:58 цагт Өмнөговь аймгийн Цогтцэций сумын Сийрст багийн "Зайрмагт" гэдэг газар хоёр автомашин шатаж байна гэсэн дуудлага Онцгой байдлын албанд иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 44 ангийн алба хаагчид очиход Цогтцэций сумаас “Цагаан хад” чиглэлийн замд “Шаанкси” загварын ачааны автомашинууд мөргөлдөж, автомашины бүхээг, дугуй шатсан байдалтай байжээ.

Аврагчид галыг 24 минутад унтраасан боловч 43, 48 насны хоёр жолооч галд өртөж нас барсан байна. 

---