ОХУ-ын Ерөнхийлөгч Владимир Путин өнгөрөгч гуравдугаар сард зарим бараа бүтээгдэхүүн, түүхий эдийн импорт, экспортод тогтоосон хязгаарлалтаа 2023 он хүртэл сунгажээ.

Тодруулбал, 2022 оны гуравдугаар сарын 8-ны өдрийн "ОХУ-ын аюулгүй байдлыг хангах чиглэлээр гадаад эдийн засгийн үйл ажиллагаанд тусгай арга хэмжээ авах тухай" 100 тоот тогтоолд нэмэлт, өөрчлөлт оруулсан байна.

Энэхүү тогтоолын дагуу, Засгийн газар импорт, экспортлохыг хориглож, хязгаарласан бараа бүтээгдэхүүн, түүхий эдийн индексээс гадна худалдааг хязгаарлах улс орнуудын жагсаалтыг гаргах үүрэгтэй болсон. Гэхдээ энэхүү хоригт иргэдийн тээвэрлэж буй хувийн хэрэгцээний бүтээгдэхүүн, түүхий эд хамаарахгүй юм.

Өмнөх зарлигийн хүрээнд, Оросын эрх баригчид өмнө нь хилийн чанадаас тус улсад импортолж байсан технологи, харилцаа холбоо, эмнэлгийн тоног төхөөрөмж, тээврийн хэрэгсэл, хөдөө аж ахуйн машин, цахилгаан тоног төхөөрөмж зэрэг 200 гаруй нэр төрлийн бараа бүтээгдэхүүний экспортыг зогсоосон ч Евразийн эдийн засгийн холбооны түнш орнууд болон Абхаз, Өмнөд Осетийг хязгаарлалтаас чөлөөлсөн билээ.

Эх сурвалж: TASS

---