Дугуй цагааны тохижилт бүрэн дууссантай холбогдуулан Нийслэлийн Засаг дарга бөгөөд Улаанбаатар хотын дарга Д.Сумъяабазар болон холбогдох албаныхан газар дээр нь ажиллаж байна. Тохижилтын ажил нэг сараар сунасан, мөн инфляци, тээврийн зардалтай холбоотойгоор 200 сая төгрөгийн нэмэлт хөрөнгө оруулалт шаардлагатай болоод байгаа аж. 

Нийслэлийн Засаг дарга бөгөөд Улаанбаатар хотын дарга Д.Сумъяабазар: 

-Дугуй цагааны тохижилтын ажилд "Энигма" ХХК саад учруулж байгаа. Иймд газрын зөвшөөрлийг нь цуцлахаас цаагуур зүйл хийнэ.

Ажил нь удааширч, нэмэлт хөрөнгө оруулалт шаардлагатай болсон боловч, Засгаас нэг ч төгрөг авахгүй. Олон улсын байгууллага, хандив тусламжаар дуусгана.

Явган хүн болон авто замыг холбоно. Нийслэлчүүдийн аялдаг зугаалдаг, чөлөөт цагаа өнгөрөөдөг цэцэрлэгт хүрээлнэ болгоно. Нийслэлийн сүүлийн үед анхаарч байгаа ногоон байгууламжийг нэмэгдүүлэх ажлыг эрчимжүүлнэ. 

---