УИХ-ын дарга Г.Занданшатар УИХ-ын чуулганы Пүрэв гаригийн нэгдсэн хуралдааны эхэнд Д.Ганбат гишүүнд сануулга өглөө.

Намрын чуулганы эхний өдөр парламентийн гишүүний үнэмлэхээ УИХ-ын дарга руу чулуудсан Д.Ганбат гишүүн өнөөдөр өөрийнх нь өөрийнх нь сандал дээр "өөр хүн" суусныг хараад бухимдаж, бужигнаан үүсгэв.

Түүний хариуд УИХ-ын дарга Г.Занданшатар:

-УИХ-ын гишүүн Д.Ганбат сүүлийн хоёр жил сандал ширээ булаацалдлаа. Д.Тогтохсүрэн гишүүнд суудлаа сольё гэж хүсэлт гаргасны дагуу УИХ-ын гишүүн Ц.Туваан суудлаа өөрт чинь тавьж өглөө. Чуулганы хуралдаан үймүүлж байгаа учраас Д.Ганбат гишүүнд сануулга өглөө гэв. 

Тодруулбал, УИХ-ын гишүүн Д.Ганбат гурав дахь удаагаа сануулга авч байгаа нь энэ ажээ. 

---