СПОРТ
ХӨГЖИМ
™ watch
Гэмт хэрэг | 2022-09-30

🔴LIVE: Таван цогцсыг хэн болохыг тогтоожээ

Нийтэлсэн
1 сарын өмнө


Сурталчилгаа
Нийтэлсэн:   Т.Мягмар
1 сарын өмнө

Цагдаагийн ерөнхий газраас улсын хэмжээнд зохион байгуулж буй "Илрүүлэлт-Оргодол-2022" нэгдсэн арга хэмжээний хэрэгжилтийн талаар мэдээлэл хийлээ.

Эрүүгийн цагдаагийн албаны Эрэн сурвалжлах хэлтсийн дарга, хурандаа Ц.Очгэрэл:

-ШШГЕГ, ЦЕГ-тай хамтран 9 дүгээр сарын 12-ноос 12 дугаар сарын 12-ны өдөр хүртэл "Илрүүлэлт-Оргодол-2022" нэгдсэн арга хэмжээг улсын хэмжээнд зохион байгуулж байна. Тус арга хэмжээний хүрээнд өнөөдрийн байдлаар 54 этгээдийг олж тогтоосон байна.

Иргэний хэрэгт ШШГ-ээс зайлсхийсэн этгээд 29, албадлагын арга хэмжээ авагдсан этгээд 1, торгох ялаар шийтгэгдсэн этгээд 1, нийтэд тустай ажил хийлгэхээр яллагдсан этгээд 4, зорчих эрхээ хязгаарлуулсан буюу цахим бугуйвч зүүсэн этгээд 19 иргэнийг олж тогтоосон байна. 2017 оноос хэрэгжиж эхэлсэн зорчих эрхийг хязгаарлах ялаар нийтдээ 117 этгээд оргон зайлж эрэн сурвалжлагдсанаас 100 этгээдийг олж баривчлан, 17 этгээдийн эрэн хайж байна.

  • Баянхонгор аймагт хүн амины хэргээр эрэн сурвалжлагдаж байсан Б-г олж тогтоосон.
  • Бага насны хүүхэд хүчиндсэн хэргээр эрэн сурвалжлагдаж байсан А-г мөн олж тогтоосон байна.
  • Удаа дараа цахим орчинд байр түрээслэх нэрийдлээр зар байршуулж залилангийн хэрэг үйлдсэн Г-г мөн олж тогтоолоо.
  • Нийт 15 удаагийн үйлдлээр бусдын орон байрт нэвтэрч, их хэмжээний эд зүйл хулгайлсан У-г олж тогтоон холбогдох шалгалтыг хийж байна.
  • Энэ онд олдсон хэн болох нь тогтоогдоогүй таван цогцсыг хэн болохыг мөн тогтоосон.

Эрүүгийн цагдаагийн албаны Хулгайлах гэмт хэрэгтэй тэмцэх хэлтсийн дарга, хурандаа Н.Ууганбаяр:

-Сүүлийн 16 хонгийн байдлаар нийт 653 гэмт хэргийг илрүүлсэн. Илрүүлсэн гэмт хэргээс үзвэл хүнийг санаатай алах 9, хулгайлах 154, мал хулгайлах 23, дээрэмдэх 19, хүчиндэх 17, залилах 179, хүний эрүүл мэндийн халдашгүй байдлын эсрэг гэмт хэрэг 160, бусад төрлийн 92 хэргийг илрүүлсэн байна. Энэ жилийн илрүүлэлтийг прокурорын байгууллага яллагдагчаар татсан хэргүүдээс авч үзсэн.

  • Завхан аймгийн Баянхайрхан сумын Минж багт иргэн Д толгойн тус газраа буудуулж нас барсан. Уг хэргийг иргэн Б үйлджээ.
  • Дээрмийн хэргийн ихэнх нь согтууруулах ундаа хэтрүүлэн хэрэглэсэн үедээ гэр рүүгээ харих замдаа дээрэмдүүлсэн тохиолдлууд их байна.
  • Хүчиндэх гэмт хэрэг үйлдсэн тохиолдлуудаас үзэхэд холбогдогч этгээд согтууруулах ундаа ихээр хэрэглэсэн үедээ бусдын биед халдаж, маргааш нь санахгүй байх тохиолдол байна.
Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.