™ watch
™ watch
Украины цэргийн хүчний сөрөг довтолгоо үр дүнгээ өгч, зүүн бүс нутгийн гол хотуудыг буцаан авснаар Оросын арми ухарчээ.
ОХУ-ын армийн зүүн бүсийн хангамжийн чухал төв болоод байсан Купянск хотод Украины цэргүүд өнгөрсөн бямба гарагт нэвтэрсэн гэж орон нутгийн албаныхан мэдээлсэн юм. Тэгвэл үүний дараа Оросын цэргүүд "дахин бүлэглэх" зорилгоор ойролцоох Изюм хотоос ухарсан гэж тус улсын Батлан хамгаалах яам мэдэгдсэн байна. Түүнчлэн тун удалгүй гурав дахь чухал хот болох Балаклиягаас цэргээ татан гаргаснаа баталсан ч энэ нь Донецкийн фронт дахь "хүчин чармайлтыг бэхжүүлэх" зорилготой гэжээ.
Ерөнхийлөгч Владимир Зеленский ээлжит мэдэгдлийнхээ үеэр хэлснээр, Украины армийн шинэчилсэн сөрөг довтолгоо энэ сарын эхэнд эхэлснээс хойш тэд Оросын цэргүүдээс 2,000 км.квадрат газрыг чөлөөлсөн аж.
.jpg)
Оросын цэргийн хүчний томоохон зангилаа байсан Изюм хотоос цэргээ гаргаснаа Москва хүлээн зөвшөөрсөн нь чухал ач холбогдолтой. Улмаар Харьков мужийн Оросын хяналтад байдаг хэсгийн эрх баригчид оршин суугчдыг "амь насаа аврахын тулд" ОХУ руу дүрвэхийг уриалсан байна.
Тэгвэл сүүлийн үеийн үйл явдлууд нь Украины хүчин Оросын армийг ялж чадахыг харуулсан бөгөөд Барууны орнуудын тусламжууд нэмэгдвэл дайныг илүү хурдан дуусгаж чадна гэж Украины Гадаад хэргийн сайд Дмитрий Кулеба тэмдэглэжээ.
Эх сурвалж: BBC
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Баяр хүргэе, хэн ч эх орноо харийн булаан эзлэгчдээс чөлөөлөхийг дэмжинэ
Украин ялж Орос ялагдана. Одоо Украины арми барууны өндөр технологийн зэвсгээр зэвсэглээд улам хүчтэй болсон. Оросууд ЗХУ-ын үеийн баахан зэвсэгтэй тэд баараад танкнууд нь эвдрээд хөгөө чирч сүүлдээ хаяад зугтсан ш дээ ккк тэгээд ч цэрэгтээ шоронгийн хоригдлууд хөлсний цэргүүд хөгшчүүдийг татаж авчираад байлдаж байгаа тэд ямар туршлага байхгүй зүгээр Украины их буу пуужингийн бай болоод дуусч байна хахахаха
Муу.эр.дайнд.хөөрцөглөнөө.гэж
СЛАВА УКРАЙН