СПОРТ
ХӨГЖИМ
™ watch

Арилжааны есөн банканд торгох шийтгэл ногдуулав

Нийтэлсэн
1 сарын өмнө


Сурталчилгаа
Нийтэлсэн:   Б.Баярцэцэг
1 сарын өмнө

Шударга Өрсөлдөөн, Хэрэглэгчийн Төлөө Газраас 2022 оны зургаадугаар сарын 15-ны өдөр

  • “Үндэсний хөрөнгө оруулалтын банк” ХХК,
  • “Аригбанк” ХХК,
  • “Чингисхаан банк” ХХК,
  • “ХААН банк” ХХК,
  • “Худалдаа хөгжлийн банк” ХХК,
  • “Тээвэр хөгжлийн банк” ХХК,
  • “Хасбанк” ХХК,
  • “Богдбанк” ХК,
  • “Голомтбанк” ХХК,
  • “Капитронбанк” ХК,
  • “Төрийн банк” ХХК-уудад холбогдох 2202000183 дугаартай хэрэг нээж, зөрчлийн хэрэг бүртгэлтийн ажиллагааг энэ оны наймдугаар сарын 12-ны өдөр хийж дуусгалаа.

Зөрчлийн хэрэг бүртгэлтийн явцад холбогдогч 11 банкнаас зээлдэгчийн төлж буй 0.5-1 хувийн шимтгэл нь тухайн зээлдэгчид зарцуулагдаж байгаа эсэх талаар шалгахад зээл үүсгэх харилцаа, зээлийн өргөдөл гэх мэт ажиллагаануудыг хийхэд гарах зардлын талаар тодорхой тооцоо судалгаа гаргаагүй, бодит зардалтай нь уялдуулахгүйгээр тогтоосон нөхцөл байдал илэрсэн.

Энэ нь орон сууцны хөнгөлөлттэй ипотекийн зээл олгосны шимтгэлийг гарч буй зардалтай нь уялдуулан үндэслэлтэй тогтоолгүйгээр зээл олгосны шимтгэлийг 0.5-1 хувиар тогтоосон нь Зөрчлийн тухай хуулийн тусгай ангийн 10.7 дугаар зүйлийн 4-ийн 4.7-г зөрчиж хууль ёсны ашиг сонирхолд харшлах, эсхүл хэрэглэгчийг хууль бусаар хохироох худалдааны арга хэрэглэх үйл ажиллагаа явуулсан гэж үзлээ.

Иймд “Ариг банк” ХХК, “ХААН банк” ХХК, “Худалдаа хөгжлийн банк” ХХК, “Тээвэр хөгжлийн банк” ХХК, “Хас банк” ХХК, “Богд банк” ХК, “Голомт банк” ХХК, “Капитронбанк” ХК, “Төрийн банк” ХХК-иудын хууль зөрчсөн үйлдэлд тус бүр 20 сая төгрөгийн торгох шийтгэл оногдууллаа.

Мөн нэр бүхий 9 банкинд зээл олголтын шимтгэлийг гарч буй зардалтай нь уялдуулан үндэслэлтэй тогтоож, харилцагчтай байгуулж буй зээлийн гэрээнд өөрчлөлт оруулах арга хэмжээг авч, зөрчлийн үр дагаврыг арилгахыг даалгаж 30 хоногийн хугацаатай “Зөрчлийн үр дагаврыг арилгах арга хэмжээ авахуулах тухай” албан даалгавар хүргүүлж ажиллалаа.

Сурталчилгаа

Манай хуудсыг дагаарай!


Сэтгэгдэл (5)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
1 сарын өмнө
202.126.89.41

Баярлалаа

Зочин
1 сарын өмнө
66.181.181.195

Одоо ч авч л байна

Иргэн
1 сарын өмнө
66.181.161.119

Торгож улс төр ашиг олох яах вэ хатуу хяналтан дор зээл авсан хүмүүст буцааж олгох хэрэгтэй банк зээлдэгч2.ын дундаас улс мөнгө шаахаа боль

Иргэн
1 сарын өмнө
66.181.161.119

30.хоногын дотор зөрчил арилгана гээд яахын миний мөнгийг өгөх юм уу улсад торгуулах юм уу тодорхой бичээч

Иргэн
1 сарын өмнө
66.181.161.119

20.н сая чинь энэ банкуудад хошногны алчуур 20.н тэрбумаар торго эсвэл бүр дампууруул

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.