Бүгд Найрамдах Хятад Ард улсын Төрийн зөвлөлийн гишүүн, Гадаад хэргийн сайд Ван И-гийн Монгол улсад хийж буй албан ёсны айлчлалын үеэр Монгол улс БНХАУ-ын хооронд байгуулах баримт бичигт гарын үсэг зурах ёслолын ажиллагаа боллоо. 

Хоёр улсын гадаад харилцааны яамдын 2023-2024 оны хамтын ажиллагааны төлөвлөгөөнд талууд гарын үсэг зурж байна. 

Айлчлалын үеэр хилийн эрүүл ахуй, хорио цээрийн асуудлаар хамтран ажиллах тухай Монгол Улсын Гаалийн ерөнхий газар БНХАУ-ын Гаалийн ерөнхий газар хоорондын протоколд Монголын талыг төлөөлж ГЕГ-ын газрын дарга Б.Асралт, БНХАУ-ыг төлөөлж БНХАУ-аас Монгол Улсад суугаа Онц бөгөөд Бүрэн эрхэт Элчин сайд Цай Вэньруй нар гарын үсэг зурлаа. 

Түүнчлэн Монгол Улсын Сангийн яам, Зам, тээврийн хөгжлийн яам болон БНХАУ-ын Үндэсний хөгжил, шинэтгэлийн хороо хооронд Гашуунсухайт-Ганцмод боомт хооронд хил дамнасан төмөр замын холболтын тухай харилцан ойлголцлын санамж бичигт Монголын талыг төлөөлж Монгол Улсын ЗТХ-ийн сайд Л.Халтар, БНХАУ-ын талыг төлөөлж БНХАУ-аас Монгол Улсад суугаа Онц бөгөөд Бүрэн эрхэт Элчин сайд Цай Вэньруй нар гарын үсэг зурлаа. 

---