Үндэсний их баяр наадмын хурдан морины бүртгэл энэ сарын 7-ны 9.00 цагт Хүй 7 худагт эхэлнэ.

Үүнтэй холбогдуулан Үндэсний их баяр наадмыг зохион байгуулах комиссын Хурдан морины салбар хорооноос хурдан морь бүртгүүлэх зохицуулалтын талаар доорх тайлбарыг гаргажээ.

Үүнд:

- Хурдан морь унахыг зөвшөөрсөн тухай уралдаанч хүүхэд, түүний эцэг, эх, асран хамгаалагчийн тодорхойлолт

- Уралдаанч хүүхдийн төрсний гэрчилгээ болон хүүхдийг ослын даатгалд даатгуулсан тухай бичиг баримт

- Уралдах морины нас, угшлын талаарх үнэн зөв тодорхойлолт

- Бичиг баримтыг бүрдүүлээгүй буюу уралдаанч хүүхдийн аюулгүй байдлыг бүрэн хангаагүй тохиолдолд тухайн уяачийн морийг уралдаанд оролцуулахгүй 

- Бүртгэх цагаас хоцорсон уралдаанч хүүхэд, уралдах морийг  бүртгэхгүй, уралдаанд оролцуулахгүй

- Уралдаанд уралдах морь тус бүрийг нас насны ангиллаар уралдах өдрийн өглөө стандарт, хэмжил зүйн газраар баталгаажуулсан автомат төхөөрөмж /лазер хэмжигч/-өөр хэмжинэ

- Бүртгүүлэхдээ уралдах морьдыг авч ирэх шаардлагагүй гэжээ.

Үндэсний их баяр наадмын хурдан морины бүртгэл энэ сарын 7-ны 9.00 цагаас, долдугаар сарын 9-ний 22.00 цаг хүртэл үргэлжилнэ 

 

---