АНИМЭ
СПОРТ
ХӨГЖИМ
™ watch
Гэмт хэрэг | 2022-06-22

“Багануур” ХК-ийн захирал Э.Номинчулууныг хахууль өгсөн хүнтэй нь суллажээ

Нийтэлсэн
2 хоногийн өмнө


Сурталчилгаа
Нийтэлсэн:   Г.Равжаа
2 хоногийн өмнө

“Багануур” ХК-ийн захирал Э.Номинчулууныг хахууль өгсөн хүнтэй нь суллаж, хязгаарлалт тогтоох таслан сэргийлэх арга хэмжээ авчээ.

“Багануур” ХК-ийн гүйцэтгэх захирал Э.Номинчулууныг өнгөрсөн дөрөвдүгээр сарын 27-нд бусдад давуу байдал олгосон хэд хэдэн гэрээ байгуулж их хэмжээний хахууль авч байсан үйлдэл дээр нь АТГ-ын ажилтнууд дайчлан баривчилсан билээ. Улмаар яллагдагчаар тооцон цагдан хорьсон.

Түүнд 3000 ам.долларын хахууль өгсөн хэрэгт ulstur.mn хэмээх цахим хуудсыг үүсгэн байгуулсан, нийслэлийн Сэтгүүлчдын нэгдсэн холбоо ТББ-ын тэргүүн Б.Ганзоригийг холбогдуулсан бөгөөд уг хоёр хүнийг үргэлжлүүлэн хорих шаардлагагүй гэж шүүх үзсэнээр тэднийг суллаж, хязгаарлалт тогтоох таслан сэргийлэх арга хэмжээ авсан байна.

Э.Номинчулуунд холбогдох хэргийг ЭЦА-наас АТГ-т шалгуулахаар шилжүүлээд удаагүй байхад тэрбээр эрх мэдэл, албан тушаалаа урвуулан ашиглаж, бусдад давуу байдал олгон, хээл хахууль авсан бөгөөд нийслэлийн Сэтгүүлчдын нэгдсэн холбоо ТББ-ын тэргүүнтэй хэд хэдэн гэрээ байгуулан мөнгө өгч, авсан үйлдэл дээрээ хууль сахиулагчдад саатуулагдсан юм.

. Улмаар илүү гарсан мөнгийг тендерт шалгарсан аж ахуйн нэгжийнхэнтэй нийлж завшсан хэрэгт холбогдсон.

“Тавинлан” ХХК-ийн захирал Х.Цогнойжамцаас “Алтаргана” хотхонд 500 сая төгрөгтэй тэнцэх тансаг зэрэглэлийн таван өрөө орон сууц бэлгэнд авсан гэх үйлдэлд шалгуулж байхдаа дээрх ТББ-ын тэргүүнээс 3000 ам.доллар авсан билээ.

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.