АНИМЭ
СПОРТ
ХӨГЖИМ
™ watch
Нийгэм | 2022-06-20

ЗТХ-ийн сайд Л.Халтар Хэнтий аймагт хэрэгжиж буй автозамын төслүүдийн гүйцэтгэлийг шалгав

Нийтэлсэн
4 хоногийн өмнө


Сурталчилгаа
Нийтэлсэн:   П.Оюу-Эрдэнэ
4 хоногийн өмнө

Зам, тээврийн хөгжлийн сайд Л.Халтар Хэнтий аймгийн Бэрх, Өмнөдэлгэр, Батноров, Норовлин, Дадал сумдад  хэрэгжиж буй авто замын төслүүдийн бүтээн байгуулалт, гүйцэтгэлийг газар дээр нь үзэж, ажиллалаа.

. График, төлөвлөгөөний дагуу ажиллаж байгааг гүйцэтгэгч "Тэгш плант" ХХК-ийнхан танилцууллаа.

"Наранбулаг-хан" ХХК-ийн гүйцэтгэл сайн байна

Чингис -Дадал сум чиглэлийн хатуу хучилттай авто замын үргэлжлэл Чингис-Бэрх хот хүртэлх 50 км авто замыг "Наранбулаг-хан" ХХК гүйцэтгэж байна. Гэрээгээр энэ оны 10 дугаар сарын 30-нд дуусгаж хүлээлгэж өгөх хуваарьтай ч ирэх 7 дугаар сард багтаан ашиглалтад хүлээлгэн өгөхөөр ажиллаж байгаа талаар гүйцэтгэгч байгууллагын төлөөлөл хэлж байв.

Мөн Өндөрхаан-Норовлин чиглэлийн хатуу хучилттай авто замын үргэлжлэл 130 км зам барилгын ажлыг улсын төсвийн хөрөнгө оруулалтаар энэ оноос 2 багц хэсгээр хэрэгжүүлж эхэлж байгаа бөгөөд Багц-1 хэсэг буюу 68.6 км авто замын гүйцэтгэгчээр "Наранбулаг-хан" ХХК ажиллаж байна. Энэ оны 4 дүгээр сард ажлаа эхлүүлж 20 гаруй км-т хөрс хуулалт, 15 км-т далангийн ажлыг хийж гүйцэтгэжээ.

Зам, тээврийн хөгжлийн сайд Л.Халтар, хүн хүч, техник, тоног төхөөрөмжийн хангамж сайтай, зөв зохион байгуулалттай ажиллаж, богино хугацаанд чанартай гүйцэтгэж байгаа үндэсний бүтээн байгуулагч "Наранбулаг-хан" ХХК-ийн хамт олонд талархаж буйгаа илэрхийлж, ажлын амжилт хүслээ.

Мөн сайд Л.Халтар Бэрх хотын захирагч Ч.Энхжавхлантай уулзаж шинээр ашиглалтад орох авто замаар хүнд даацын авто машин зорчуулахгүй байх зохион байгуулалтыг хийж, авто замын ашиглалт, насжилт дээр орон нутгийн зүгээс анхаарч ажиллах хэрэгтэйг хэлээд яамны зүгээс шаардлагатай дэмжлэг үзүүлж ажиллахад бэлэн байгааг илэрхийлэв.   

"Наранбулаг-хан" ХХК нь өмнө нь Чингис-Бэрхийн 20 км ажлыг гэрээгээр 2 жилийн хугацаанд хийж гүйцэтгэхээр төлөвлөсөн боловч жилийн хугацаанд гүйцэтгэж хүлээлгэн өгч байсан туршлагатай компани юм.

Орон нутгийн зүгээс авто замын ажилд туслалцаа үзүүлэхийг хүсэв

Дараа нь Өндөрхаан-Норовлин чиглэлийн хатуу хучилттай авто замын үргэлжлэл, 130 км-ын Багц 2 хэсэг буюу 62 км авто зам барилгын ажлын талбайд ажиллалаа. Тус замын гүйцэтгэгчээр “Мотор сервис” ХХК ажиллаж байна. 5 дугаар сараас нүүлгэн шилжүүлэлт, бэлтгэл ажлаа хангаж, зам барилгын ажлаа эхлүүлжээ.

Мөн улсын төсвийн хөрөнгө оруулалтаар энэ онд хэрэгжиж эхэлж буй Норовлин-Баян Уул чиглэлийн 68.3 км авто замын барилгын ажилтай танилцлаа. Гүйцэтгэгч байгууллагаар “Монгол зам” ХХК ажиллаж байна. Тус компанийнхан 5 дугаар сарын сүүлээс бэлтгэл ажлаа хангаж, үндсэн зам барилгын ажлыг эхэлж, хөрс хуулалт, далангийн ажлыг гүйцэтгэж байна.

Зам, тээврийн хөгжлийн сайд Л.Халтар, Норовлин сумын Засаг даргын орлогч Б.Одхүүтэй уулзаж замын компаниудын карьерын ажилд сум орон нутгаас тусалж, асуудлыг шуурхай шийдвэрлэн хамтран ажиллахыг хүсэв. Мөн тус сумын нутаг дэвсгэрт авто замын бүтээн байгуулалтын ажил гүйцэтгэж байгаа Мотор сервис ХХК, Монгол зам ХХК-д орон нутгийн иргэдийг холбож, ажиллах хүч нэмэгдүүлэхэд анхаарах шаардлагатай байгааг хэллээ.

. Тус замын гүйцэтгэгч "Идэр ширэгү" ХХК-ийн инженер техникийн ажилчид болон машин механизмийн нүүлгэн шилжүүлэлтийн ажил бүрэн дуусаж зам барилгын газар шорооны ажил 35 хувьтай явагдаж байна.

Хэнтийн аймаг улсын чанартай 726.1 км авто замын сүлжээтэй

Хэнтий аймаг нь Монгол Улсын зүүн бүсийн аялал жуулчлалын гол бүс нутаг. . Үүний 372.1 км хатуу хучилттай, 189.0 км хайрган хучилттай, 165.0 км байгалийн хөрсөн авто зам ашиглагдаж байна.

Өнөөдрийн байдлаар Хэнтий аймгийн дөрвөн сум /Жаргалтхаан, Хэрлэн, Мөрөн, Цэнхэрмандал/ хатуу хучилттай улсын чанартай авто замаар холбогдсон.  Батноров, Баян-Овоо, Норовлин сумд энэ жил эхэлж буй авто замын бүтээн байгуулалтын хүрээнд удахгүй хатуу хучилтгүй авто замаар холбогдоно. 

Хэнтий аймгийн нутаг дэвсгэр дэх улсын чанартай 5 чиглэлийн 726.1 км авто зам, замын байгууламжыг "Харгуй" ТӨХК хариуцан байнгын бэлэн байдлыг хангуулж засвар арчлалтын ажлыг гүйцэтгэж байна. Энэ оны засварын ажил график төлөвлөгөөний дагуу хэрэгжиж байна. 

Сурталчилгаа

Манай хуудсыг дагаарай!


Сэтгэгдэл (7)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Okuma Ami
4 хоногийн өмнө
202.126.90.148

Бор-Өндөр - Даланжаргалан сумын хоорондох хатуу хучилттай зам дуусаад жил гаруй болж байна яагаад нээхгүй байгаан…

иргэн
4 хоногийн өмнө
64.119.19.39

Ишшш Сайд минь дэээ Дарханы зам дээр хэвтээд байж бай тэнд ажиллааа чэээ

Иргэн
4 хоногийн өмнө
103.212.116.94

Халтар сайд Хэнтий аймгийн сумдад байгуулж байгаа авто замын бүтээн байгуулалтад онцгой анхаарал хандуулж шуурхайлуулж байгаа нь цаана нь нэг пялдаг гэмээр үйл ажиллагаа байх шиг. Аргагүй юм байлгүй дээ суудлаа хамгаалжбайгаа нь тэр биз. Нөгөө Дархан чиглэлийн зам болохоор ярьсан дүр эсгэсээр ургашлаж байгаа нь огт харагдахгүй он улирал дамжин ужгарсаар сонгууль болохыг хүлээж суусаар өдөр хоног өнгөосөөр…..энэ яам болон сайдынх нь талаар ЗГ ЕС нь хир үнэлж байдаг юм болдоо !!!!!

Иргэн
4 хоногийн өмнө
103.212.116.94

Танай сайт Халтар сайдыг хир зэрэг ёс зүйтэй шудрага ажилладаг талаар нэг сурвалжилжихаад хүний бичсэн коментыг усгэж байгаарай битгий пялдага зан гаргаж өөрсдийгөө хамгаалдагаа боливол ёс зүйд чинь нийцэж магадгүй

орхо
4 хоногийн өмнө
202.131.248.206

Иймэрхүү аминд тулаагүй Зам барилгын болон бусад төрлийн ажлаар яах юм бэ? Энэ мөнгөөрөө Хятадад өрөө төл ! Оюун эрдэнэ ээ !!!

Халтар ухна
4 хоногийн өмнө
64.119.22.32

Ганц аймгийн сумуудыг холбох биш аймгийн төвүүдийг холбосон босоо тэнхлэгийн замуудаа эхлээд тавь, малнууд аа

enh amgalan
3 хоногийн өмнө
203.91.115.52

ygaad hudal hurmag ym bicheed bg ym be naran bulaghan mash muu zam tawij bg shv nadad zurag bichleg bg shv

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.